ataetche

Walon (Rifondou)

Prononçaedje

• AFE :
  • diferins prononçaedjes : /a.ˈtɛt͡ʃ/ /a.ˈtat͡ʃ/ (betchfessî ae)
  • pa rfrancijhaedje /a.ˈtaʃ/
  • prononçaedje zero-cnoxheu : /a.ˈtɛt͡ʃ/
• Ricepeures : atae·tche

Sustantif

singulî	pluriyal
ataetche	ataetches

ataetche femrin

1. ahesse ki raloye comifåt deus sacwès.
   • Wice sont ele nos viyès havroûles
     Et mes pôvriteuzès lignoûles
     Adjinçnêyes d' ataetches et d' blanc fi?
     — Louis Lagauche, "L' inmant", Li tchanson del Mouze, (1947), p. 101 (fråze rifondowe).
2. (pus stroetmint) (mot d' costire) spingue.
   • Bén binamé, li mwaisse del pexhreye nos mostra tos ses batchs avou des tos ptits pexhons, des noûssons, come des makes d’ ataetche — François Nyns (fråze rifondowe).

Parintaedje

• ataetchî, ataetchmint
• rataetchî

Sinonimeye

• (di tchveas) : piçtrece

Dizotrins mots

• make (d' ataetche)

Ratourneures

mete ene ataetche so s’ mantche: wårder l' sovni d' èn afront.

Ortografeyes

Divant 1900 :

• ateg : E89 ^(lére), E177a ^(lére)
• atech : E203 ^(lére)
• ateche : E212 ^(lére)

Après 1900, foû rfondou (Feller, Feller ricandjî, nén Feller) :

• atatche : C1, C8, C9, O0, O4
• atètche : C13, E1, E2, E21, E34
• atache : E1, E21, E34

E rfondou walon :

• ataetche : R10 ^(lére)

Li mot n’ est nén dins : R13

Ratournaedjes

spingue

• Francès : attache ^(fr), épingle ^(fr), aiguille ^(fr)