cawoûte

Walon (Rifondou)

• 
  grosse rodje cawoûte
• 
  longowe cawoûte

Etimolodjeye

Tayon-bodje latén « cucurbita » (minme sinse); çou ki dene on mot avou l’ cawete « -oûte »

Prononçaedje

• AFE :
  • prononçaedje zero-cnoxheu : /ka.wuːt/ (minme prononçaedje pattavå)
• Ricepeures : ca·woûte

Sustantif

singulî	pluriyal
cawoûte	cawoûtes

cawoûte femrin

1. (verdeure) plante ki crexhe al tere, avou des fruts magnåves come verdeure, k' i gn a toplin des diferinnès cognes, ki l’ sincieus no, c’ est : Cucurbita spp..
2. (pus stroetmint) gros rond rodje frut di deus di ces sôres la, eployîs po l' alowine, ki l’ sincieus no, c’ est : Cucurbita maxima et ki l’ sincieus no, c’ est : Cucurbita pepo.
   • I sont leu dijh doze, avou deus macrales, des mames, dandjreus. Po s' loumer, des cawoûtes disvudeyes a môde di lantienes — Bernard Louis (fråze rifondowe).
   • Dispu l' mitan do moes d' octôbe, sacwantès måjhones, la k' gn a des djonnes efants, si wårnixhèt di rodjès cawoûtes et di spérs — Lucyin Mahin.
3. (imådjreçmint) tiesse.
   • Il a ene tiesse come ene cawoûte — Motî d’ Nivele (fråze rifondowe).
   • Sapinse leye, c' est ça ki lyi baye ses coûtresses d' alinne, (…) et ses mås d' tiesse a s' taper li cawoûte å meur — Lucyin Mahin, Vera.
4. (pus stroetmint) grosse ronde tiesse.
5. tiesse di grosse biesse, sins idêyes.
6. drole di coifeure.
7. drole di tchapea.
   • Elle end a ene di cawoûte, so s' tiesse — Motî d’ Nivele (fråze rifondowe).
8. gros rond nez.
9. (pus stroetmint) longou vete frut d' ene di ces sôres la, voltî magnî come salåde.
10. (pa stindaedje do sinse) (industreye) hôte tchiminêye d' oujhene.
11. botaye avou on gros vinte.

Sinonimeye

• (grosse ronde rodje sôre) : peturon (Cucurbita maxima); citrouye (Cucurbita pepo).

Parintaedje

cawoûtacêye (noûmot sincieus)

Sipårdaedje do mot

w. do Coûtchant, w. do Mitan, Årdene nonnrece

Ortografeyes

Divant 1900 :

• cahourde : S101 (botaye)

Après 1900, foû rfondou (Feller, Feller ricandjî, nén Feller) :

• cawoûte : C1, C99, O0 (tchiminêye d' oujhene), O4
• caoûte : C8
• cahoûde : E1, S117
• cahûle : S109 (tiesse)

E rfondou walon :

• cawoûte : R13

Li mot n’ est nén dins : O3

Ratournaedjes

plante avou des fruts magnåves do djinre Cucurbita

• Arabe marokin : ڭرعة ^(ary) = ڭْرعة =‎ gre3a
• Inglès : squash ^(en)
• Espagnol : calabaza ^(es)
• Francès : courgette ^(fr), courge ^(fr), courgourde ^(fr) (midi del France), courgourde ^(fr) (midi del France)
• Occitan : cogorda ^(oc)

Addjectif

	singulî	pluriyal
omrin	cawoûte	cawoûtes
femrin padrî	cawoûte	cawoûtes
femrin padvant	cawoûte	cawoûtès

cawoûte omrin et femrin (come addjectif djondrece, todi metou padrî l’ no) (sustantif addjectivrece, todi sudjetrece)

1. k’ a l’ tiesse vude.
   • Li feye, ça va co, mins l’ viye est totafwait cawoûte. — Louis Marcelle (fråze rifondowe).

Sinonimeye

• biesse
• Loukîz l’ motyince : biesse

Ratournaedjes

k’ a l’ tiesse vude ; Loukîz l’ motyince : biesse

• Francès : écervelé ^(fr)

Waitîz eto

Lijhoz l’ årtike cawoûte (discramiaedje) so Wikipedia