paskeye
Èn årtike di Wiktionary.
Ådvins |
[candjî] 
Walon
[candjî] Etimolodjeye et tcherpetaedje
Bodje "pask" (calcaedje di l' itålyin "pasquino"; biestreyes sicrîtes, e 3inme sieke, a Rome, påzès satirisses so ene posteure d' on lomé Pasquino), cawete -eye.
[candjî] Prononçaedje
Mwaisse prononçaedje : / paskɛj /
Ôtes prononçaedjes : paskɛːj, paskiːj
[candjî] Sustantif
paskeye f
- sôre di scrijhaedje do vî tins (1650-1900) a môde d' arimea, fwaite a l' ocåzion d' èn etrevén, u po distraire les djins, sovint tot s' fotant d' ene sakî.
- On-z a wårdé dins les vîs papîs sacwantès paskeyes e walon d' Lidje ki datèt do 17inme sieke.
- dins sacwants viyaedjes, fiesse k' on fjheut so tos les djonnes omes et les djonnès feyes bounes a maryî, on côp l' an, et la k' on compôzéve ene tchanson, sovint avou des dobes sinses, nén pikés des viers.
- Willy Bal a-st eplaidî ene des dierinnès paskeyes di Djåmioû.
- racontaedje, sovint po rire.
- Ouy, dj' a sogne k' on n' trove pu mes paskeyes sol bon ton (J.J. Dehin).
- Nos n' vlans nén des "Pocwè m' voz vs cwité ?"; nos tchantrons vigreuzmint ene ahåyante paskeye (G. Fontaine).
- I gn aveut nén on tchame come lu po raconter ene paskeye (D.T.W.).
- istwere do vî tins, vraiye u edvintêye k' on raconte todi enute.
- Conoxhoz bén l' paskeye do tchvå Bayåd et des cwate fis Aimont ?
- laide avinteure k' a-st arivé a ene sakî.
- Dji vs va conter li sbarante paskeye k' a-st arivé al båshele do pere Cufå (G. Lucy).
- moumint k' on s' a bén plait.
- Après, dj' ans rpassé å caberdouxhe "Li lapén ki tosse"; kéne paskeye, drola !
- Cwand tote li binde a yeu des pemes u des djaeyes, ele si såve po-z aler racmincî l' minme paskeye dins ene ôte måjhon (J. Calozet).
- dossî, kesse ki les djins endè djåzèt tertos.
- Ou çk' on nd est avou l' paskeye des sotès vatches ?
[candjî] Ratourneures
>> fijheu(se) di paskeyes: li ci (cene) ki scrît des arimeas, des tchansons po s' fote.
[candjî] Parintaedje
[candjî] Sinonimeye
(bele istwere do vî tins)
(istwere racontêye)
(laide advinteure)
[candjî] Rilomêye do mot
"Shijhes et Paskeyes" : coirnêye e walon del gazete "Vers l'Avenir".
[candjî] Ratournaedjes
(tchanson did dinltins) 
Francès pasquille, chanson satirique, poème satirique; fijheu d' paskeyes : écrivain satirique, chansonnier
(istwere) Francès histoire, légende, mythe (laide advinteure) Francès aventure, mésaventure (djoyeus moumint) Francès épisode, virée, sortie mémorable (kesse) Francès dossier, affaire, saga, mésaventure
[candjî] Sourdants
Si vos irîz rnaxhî dins des ôtes motîs, et trover l' mot "paskeye", riherez ciddé li scrijha do mot ki vos î avoz trové, et l' rahouca do motî el djivêye.
Mins l' mot n' est nén todi dins : R1
