rôler

Walon (Rifondou)

Cisse pådje u ci hagnon ci est co a scrire, u a mete d’ adrame. Si vos avoz des cnoxhances so l’ sudjet, vos l’ ploz fé vos-minme.

Etimolodjeye

Tayon-bodje patwès latén « rotella* » ‎(« pitite rowe ») k' a dné li vî francès « roelle » (rowe), did la li vî francès « roeler » avou l' avou l’ cawete di codjowaedje « -er » des viebes.

Prononçaedje

• AFE :
  • diferins prononçaedjes : /ʀoː.ˈle/ /ʀõː.ˈle/ /ʀuː.ˈle/ (betchfessî ô)
  • prononçaedje zero-cnoxheu : /ʀõː.ˈle/
• Ricepeures : rô·ler

Viebe

Djin et tins	Codjowa
Cåzant Ind. pr. (dji, dj’)	rôle
Atôtchî(s) Ind. pr. (vos, vs)	rôlez
Cåzants Ind. pr. (nos, ns)	rôlans
Rwaitants Ind. pr., nam. (i/il, ele/elle)	rôlnut
Cåzant Ind. fut. (dji, dj’)	rôlrè
Cåzant D.I.E. (dji, dj’)	rôléve
Cåzant Suddj. pr. (ki dji, dj’)	rôle
pårt. erirece (dj’ a, vos av)	rôlé
Ôtes codjowaedjes	come bouter

rôler (v. sins coplemint)

1. tourner so leye-minme, tot djåzant d' ene rowe.
2. aler, so èn éndjin k' a des rowes.
   • Rôler e carotche. — Motî Forir (fråze rifondowe).
   • Ene tcherete ki rôle bén. — Motî Haust (fråze rifondowe).
3. rivni todi tot djåzant d' pinsêyes.
   • I gn aveut lontins, bén lontins,
     Ki l’ moes d’ may lyi rôléve el tiesse. — Joseph Vrindts, ”Vîx Lîge” (1901), p.77, “Li p’tit Pît’lé” (fråze rifondowe).
4. trinner totavå sins trop saveur wice.
   • Il est todi ki rôle.
   • I rôle tot avå Lidje avou des rénnvåts come lu. — Motî Haust (fråze rifondowe).
   • I rprinda l' voye des tavienes k' il esteut afaiti do rôler disc' å djoû. — Joseph Vrindts, « Li pope d'Anvers » (1896), p.68 (fråze rifondowe).
5. aler totavå.
   • I rôle tot avå l' payis avou ses martchandeyes. — Motî Forir (fråze rifondowe).
   • L' årdjint est fwait po rôler. — Motî Haust (fråze rifondowe).
6. avancî tot djåzant di nûlêyes, del lune.
   • Li nûlêye a drené,
     Ses pezants toneas d’ aiwe rôlèt tot avå l’ cir ; — Jules Claskin, « Airs di flûte et autres poèmes wallons », édition critique de Maurice Piron, 1956, « Å triviès dèl plêve », 1922, p.21 (fråze rifondowe).
   • Asteûr po les crèn’leûres dè balwerd on veut les nûlêyes rôler vè l’France. — Joseph Mignolet, "Li payis des soteas", 1926, p. 81.
   • Et so ciste aiwe claire et londjinne,
     L' ombion des tours s' î vént bagnî
     Cwand l' lune rôle e-n on cir d' ebinne,
     El doûce niyêye des « Cénk clokîs » — Louis Lagauche, "L' inmant", Tournai, (1947), p. 126 (fråze rifondowe).
7. (v. å coplemint nén direk eployî avou li dvancete « a ») monter ene sacwè tot l' rôlant.
   • Onk danse, ou bén rôle a faxhene ;
     Èn ôte, ledjir come on tchivrou,
     Court al håye, råye divins les spenes,
     Des coxhes dedja tcherdjeyes di fleurs. — Martin Lejeune, “ Œuvres lyriques du poète Martin Lejeune” p.148, « Nos ‘nn’ alans » (fråze rifondowe).
8. (v. å coplemint nén direk eployî avou li dvancete « al valêye di ») berlôzer.
   • Rôler al valêye des montêyes. — Motî Haust (fråze rifondowe).
9. (mot d’ houyeu)
   • Li haerna n' rôle nén, il est so cou. — Motî Haust (fråze rifondowe).

II. (viebe å coplemint)

1. fé tcheryî ene sacwè tot l' tournant so leye-minme.
   • Rôler on tonea. — Motî Haust (fråze rifondowe).
2. rindjî ene sacwè tot l' fjhant tourner so lu-minme.
   • Rôler ene pîce di toele. — Motî Forir (fråze rifondowe).
   • Rôler on fi so ene boubene. — Motî Haust (fråze rifondowe).
3. fé l' toû di.
   • I rôle les viyaedjes dispu k' il est tot ptit.
   • Il est tins: purdoz vos armes, vosse carcwè et voste arc; alez è rôler avå les campagnes po tchessî do djubî por mi. — Li Djeneze.
4. emantchî (ene sakî).
   • I m' a rôlé, mins djel rårè sins cori.
5. bagnî tot djåzant di waches.
   • Li claire aiwe ki rôle so nosse greve,
     La k’ nos viyès dmeures si murèt,
     Dene a ci-la ki vike a rgret
     Li påjhûle soumey ki cwereut. — Joseph Vrindts, ”Vîx Lîge” (1901), p.16, “Li Pèheu à l’Vège” (fråze rifondowe).
6. mete e rouleas.
   • C’ est l’ moumint d’ rôler l’ four, ca del tcherå amonte on brut d’ atelêye — Henri Simon, "Fènå-meûs" (1907) (fråze rifondowe).
7. bate carasse avå.
   • On est binåjhe di s' reschandi li screne cial å feu. Pår cwand on a rôlé come mi tos les payis. Et k' on a cnoxhou l' fwin, l' mizere et les Rûsses ! — Joseph Mignolet, "Al bèle fontinne, comèdèye è treûs-akes", 1924, p.46 (fråze rifondowe).
8. (viebe å prono)
   • Si rôler al tere. — Motî Haust (fråze rifondowe).

Ratourneures

1. fé rôler
2. rôler cou dzeu cou dzo
3. rôler eshonne
4. rôler les pavés
5. rôler s’ bosse

Parintaedje

• role (rôle)
• rôlaedje, rôlé
• rôleu, rôlåd
• rôlant, rôlante, rôlance
• rôlêye
• rôlî, rôlresse
• arôler
• disrôler, disrôlaedje, disrôlmint
• erôler, erôlaedje, erôlmint, erôleu
• kirôler

Mots d’ aplacaedje

• rôler åtoû
• rôler evoye
• rôler foû

Ortografeyes

Divant 1900 :

• srolé : E178

Après 1900, foû rfondou (Feller, Feller ricandjî, nén Feller) :

• rôlé : E1
• roûler : O4
• rôler : C62, E1, E165, E200, S117

E rfondou walon :

• rôler : R10 ^(lére), R13

Ratournaedjes

tourner so leye-minme, tot djåzant d' ene rowe

• Francès : rouler ^(fr)
• Neyerlandès : draaien ^(nl)

aler so èn éndjin k' a des rowes

• Francès : rouler ^(fr)
• Neyerlandès : rijden ^(nl)

trinner totavå

• Francès : rôder ^(fr), errer ^(fr), vagabonder ^(fr)
• Neyerlandès : dwalen ^(nl)

aler totavå

• Francès : circuler ^(fr), parcourir ^(fr)
• Neyerlandès : doorgaan ^(nl)

avancî tot djåzant di nûlêyes, del lune

• Francès : rouler ^(fr), s’avancet ^(fr), filer ^(fr)

fé tcheryî ene sacwè tot l' tournant so leye-minme

• Francès : rouler ^(fr)

rindjî ene sacwè tot l' tournant so leye-minme

• Francès : rouler ^(fr)

emantchî ene sakî

• Francès : rouler ^(fr), duper ^(fr), escroquer ^(fr)
• Neyerlandès : bedriegen ^(fr)

bagnî (tot djåzant di waches)

• Francès : baigner ^(fr)