sôre

Walon (Rifondou)

Etimolodjeye

Tayon-bodje latén « sŏrtem » ‎(« sortem ») (tiraedje al bouxhe), pu simplifiaedje del troke di cossoune å coron « -rt- » diferinne d' ene plaece a l' ôte (sôre, sôte); li rfondaedje wåde li prumire des deus cossounes.

Prononçaedje

• AFE :
  • diferins prononçaedjes :
    • /sõʀ/ /soːʀ/ /soːt/ /suːʀ/
    • (sins disploctaedje des deus cossounes Å coron) /sõʀt/ /sɔ̃ʀt/ /suːʀt/ (betchfessî ô)
  • prononçaedje zero-cnoxheu : /sõʀ/
• Ricepeures : nén rcepåve

Sustantif

singulî	pluriyal
sôre	sôres

sôre femrin

1. categoreye d' ene sacwè.
   • Li cinsî esteut d' ene sôre di ramexhnantès djins ki n' sont nén a scrandi — Philippe Maudoux (fråze rifondowe).
   • Les djins si dnént radjoû sol plaece po totes sôres di spôrts — Achille Goethals (fråze rifondowe).
   • Dins l' boesse, i gn aveut s' kepi, ene sôre di caté avou deus galons, on djaene et on blanc.
   • Tchaeke sôre di trouke dins s' caliboestea — S122 (fråze rifondowe).
2. (rabaxhanmint) categoreye di djin (pus basse ki l' ci ki djåze).
   • - Il esteut d' soce avou tolmonde?
     - Oyi, avou les cis di s' sôre, a lu — Paul Renson (fråze rifondowe).
3. (pus stroetmint) (biyolodjeye) categoreye di plantes, di biesses, evnd.
   • C' est ene sôre di plante ki n' edeure nén l' solea.
   • Les prumes Ostines, dji n' sogne nén voltî cisse sôre di vatche la; ele sont bén trop coixhes.
4. sacwè.
   • Vos fåt aler tot doûçmint, ene sôre après l' ôte.
   • Dji sai ene sôre : vos n' rivénroz todi nén après meynute u vs åroz l' ouxh seré.
   • Mins por twè k' est trop fir
     Vî cadet, po tchoûler,
     Gn a pus k' ene sôre a fé — Camille Gaspard (fråze rifondowe).
5. (croejhete) categoreye di codjowaedje.
   • Les viebes del cwatrinme sôre da Hendschel sont todi a pårt, dins tos les accints do walon.

Ratourneures

1. cok do sôre : cok po fé des bates di coks.
   • Li cok k’ est sol drapea walon, c’ est on cok di sôre.

   F. "coq de combat".

2. La co ene ôte sôre ! : la co ôte tchoi.

   F. "autre chose".

3. tote sôre : bråmint des sacwès.
   • C’ esteut des ptits botikes k’ avént d’ tote sôre.

   F. "toute sorte de".

4. d' ene sôre a l' ôte tot s' ocupant di sacwants cayets.
   • Trovans l' moyén di ragrawter, d' ene sôre a d' ôte, nosse boune santé — Sintake Rimåke (fråze rifondowe). (divins des vîs papîs d' 1634)

Parintaedje

• assôrti
• assôrtimint
• rassôrti
• rassôrtimint (rèyassôrtimint)

Mots d’ aplacaedje

ene sôre (ene sacwè)

Sinonimeye

categoreye

• trepådje
• tire
• cogne

plante, biesse

• espece
• indje
• raece
• tire

tolminme cwè

• tchôze
• cayet
• sacwè

categoreye di codjowaedje

• troke

Omofoneye possibe

• /soːʀ/ & /sõʀ/ : sôr (sôrt, mwais ou bon)
• /sɔ̃ʀ/ : sonre (tropea d' pourceas)

Ortografeyes

Divant 1900 :

• sôr : E203 ^(lére)

Après 1900, foû rfondou (Feller, Feller ricandjî, nén Feller) :

• soûrte : O4
• sôrt : E1, E165
• sôrte : S1, S17, S107, S117
• sôte : C8, C20
• sôre : E34
• sôr : E1

E rfondou walon :

• sôre : R10 ^(lére), R13, R15

Ôtès ortografeyes (avou des sourdants nén rkinoxhous) :

• sörte : S122

Ratournaedjes

categoreye d' ene sacwè

• Francès : sorte ^(fr), espèce ^(fr), acabit ^(fr), catégorie ^(fr)

basse categoreye di djin

• Francès : espèce ^(fr), classe sociale ^(fr)

categoreye di plantes, di biesses, evnd

• Francès : espèce ^(fr), variété ^(fr), race ^(fr)

sacwè

• Francès : chose ^(fr)

categoreye di codjowaedje

• Francès : type ^(fr), conjugaison ^(fr)