souker

Èn årtike di Wiccionaire.

Walon (Rifondou)[candjî]

Etimolodjeye[candjî]

Etimolodjeye nén seure. Kécfeye d’ on mot brut sok, souk, suk, motoit minme soû et souhe (mot brut po fé rescouler ene biesse) ; mot cité dins l’ FEW 12 507b. Kécfeye racuzinåve avou l’ occitan « suc » (copete del tiesse) ; mot cité dins l’ FEW 13/2 399b.

Prononçaedje[candjî]

Viebe[candjî]

Djin et tins Codjowa
Cåzant Ind. pr. (dji, dj’) souke
Atôtchî(s) Ind. pr. (vos, vs) soukez
Cåzants Ind. pr. (nos, ns) soucans
Rwaitants Ind. pr., nam. (i/il, ele/elle) soucnut
Cåzant Ind. fut. (dji, dj’) soucrè
Cåzant D.I.E. (dji, dj’) soukéve
Cåzant Suddj. pr. (ki dji, dj’) souke
pårt. erirece (dj’ a, vos av) souké
Ôtes codjowaedjes come viker

souker (å prono : si souker)

  1. (v. sins coplemint) diner åjheymint des côps d’ tiesse, tot djåzant d’ on berå, d’ ene gade.
    • Dj’ ans on berå ki souke: n’ intrez nén e paxhi.
    • Des gruzlins tocnut ås cwåreas Pacô, l’ bijhe souke come on berå.
  2. (v. sins coplemint) (imådjreçmint) cåzer waeraxhmint, sins tuzer, et tchoker les djins.
    • Dimefyîz vs des linwes k’ ont stî trimpêyes dins l’ souke ; a ene douce alinne, våt mî, sovint, ene sakî ki souke. Henri Pétrez (fråze rifondowe).
  3. (viebe å coplemint) bouxhî (so ene sakî) d’ on côp d’ tiesse.
  4. (viebe å coplemint) diner des côps d’ coines.
    • Li vatche m’ a souké on fameus côp.
  5. (viebe å coplemint) potchî (ene frumele).
  6. (viebe å coplemint) mete (ene feme) ecinte.
    • Elle a stî soukêye d’ ene bele manire.
  7. (mot d’ djeu) fé rescouler li pîce di l’ ôte djouweu å djeu d’ boutchon.

Ratourneures[candjî]

  1. souker moirt : bouxhî (so ene sakî) pol touwer (dins des fråzes di mançaedje).
    • Torade, dji t’ va souker moirt !
  2. c’ est todi les pus laids boks ki soukèt les pus belès gades : dijhêye a ene sakî k’ a agritchî ene bele feme.

Parintaedje[candjî]

Ortografeyes[candjî]

Après 1900, foû rfondou (Feller, Feller ricandjî, nén Feller) :

Ratournaedjes[candjî]

diner åjheymint des côps d’ tiesse
  • Francès : cosser (fr), donner un coup de tête, frapper, heurter de la tête
cåzer waeraxhmint
potchî
mete ecinte