tûtler

Walon (Rifondou)

Etimolodjeye 1

Bodje « tûte » (suçote) avou l’ dobe cawete « -ler » des viebes.

Prononçaedje

• AFE :
  • diferins prononçaedjes : /tyː.ˈtle/ /tyː.ˈtlɛ/ (minme prononçaedje cåzu pattavå)
  • prononçaedje zero-cnoxheu : /tyː.ˈtle/
• Ricepeures : tû·tler

Viebe

Djin et tins	Codjowa
Cåzant Ind. pr. (dji, dj’)	tûtele
Atôtchî(s) Ind. pr. (vos, vs)	tûtlez
Cåzants Ind. pr. (nos, ns)	tûtlans
Rwaitants Ind. pr., nam. (i/il, ele/elle)	tûtelnut
Cåzant Ind. fut. (dji, dj’)	tûtelrè
Cåzant D.I.E. (dji, dj’)	tûtléve
Cåzant Suddj. pr. (ki dji, dj’)	tûtele
pårt. erirece (dj’ a, vos av)	tûtlé
Ôtes codjowaedjes	come shofler

tûtler

1. (viebe å coplemint) boere golafmint.
   • Il ont tûtlé tote li botaye.
   • Il ont tûtlé ås espôrts tote li shijhe — Båze di dnêyes di l’ Årdene nonnrece, a «espôrt» (fråze rifondowe).
   • Vraiy ki do moumint k' on vs laiye tûtler l' tchampagne… — Joseph Mignolet, "Milionêre !" (1934), p.48 (fråze rifondowe).
   • Mins on tûtléve ôte tchoi k’ del bire,
     Et sins esse gote èn ebusti Tchåle,
     T’ esteus pé k’ èn assoti ! — Henri-Joseph Raxhon (fråze rifondowe).
   • Matante tûtléve cobén on verkin cwand si amagnî fjheut plantchî — Philippe Maudoux (fråze rifondowe).
   • Gn a ene sôre di grosse éndjole ki va tûtler t' sonk come on picron. — David Blaude, Li Rantoele, l° 106 p. 7.
2. boere al botaye.
   • Cwand dji di «prinde ene pinte», c’ est po radoûci l’ cayet, a môde d’ ufinmisse, ca voci, on vs sieve ene botaye, et vos n’ avoz k’ a tûtler — Lucyin Mahin, (ratournant Christiane Blanjean).
3. (v. sins coplemint) haetchî so ene tûte, tot djåzant d' on påpåd.
4. (pa stindaedje do sinse) (v. sins coplemint) haetchî so ene pupe.
   • I saetcha foû del taxhe di s' sårot ene pupe et del toubak; londjinnmint el boura; londjinnmint, i l' esprinda; londjinnmint, i tûtla disk' a tant ki des grossès waplêyes endè vnénxhe foû — Jean-Pierre Dumont (fråze rifondowe).

Sinonimeye

• (boere bråmint) : riloper, trûler, flûter; Loukîz a : « flûter ».

Parintaedje

tûtleu

Ortografeyes

Après 1900, foû rfondou (Feller, Feller ricandjî, nén Feller) :

• tûtler : S117
• tûteler : E34, E170

E rfondou walon :

• tûtler : R10 ^(lére)

Li mot n’ est nén dins : E165, S109, R13

Ratournaedjes

boere golafmint Loukîz a : flûter

• Francès : ingurgiter ^(fr), avaler ^(fr)

boere al botaye

• Francès : boire au goulot ^(fr), boire à la bouteille

sucî po on påpåd

• Francès : téter ^(fr), sucer ^(fr)

sucî ene pupe

• Francès : aspirer ^(fr)

Etimolodjeye 2

Mot-brut « tûte#Walon 2 » (brut d' clacson)

Viebe

Djin et tins	Codjowa
Cåzant Ind. pr. (dji, dj’)	tûtele
Atôtchî(s) Ind. pr. (vos, vs)	tûtlez
Cåzants Ind. pr. (nos, ns)	tûtlans
Rwaitants Ind. pr., nam. (i/il, ele/elle)	tûtelnut
Cåzant Ind. fut. (dji, dj’)	tûtelrè
Cåzant D.I.E. (dji, dj’)	tûtléve
Cåzant Suddj. pr. (ki dji, dj’)	tûtele
pårt. erirece (dj’ a, vos av)	tûtlé
Ôtes codjowaedjes	come shofler

tûtler (v. sins coplemint)

1. (mot des otos) fé aler l' clacson d' ene oto, li sounete d' on tram.
   • Tûtele on côp, k' i vnexhe — Motî d’ Bastogne (fråze rifondowe et rarindjeye).
   • Li tram tûtele cwand gn a des djins sol voye — Motî d’ Bastogne (fråze rifondowe et rarindjeye).
2. (muzike) shofler dins èn instrumint d' muzike å vint.
   • I tûtlént a nonne po rapeler les djins po dinner — Motî d’ Bastogne (fråze rifondowe).
   • Å docsal, les ôres tûtlèt on côp ou deus po sayî — André Henin (fråze rifondowe).

Notule d’ uzaedje

Po l' coirnaedje d' ene oto, on sieve purade «tûter»

Sinonimeye

coirner

Parintaedje

• tûtlåd
• tûtlaedje

Ortografeyes

Après 1900, foû rfondou (Feller, Feller ricandjî, nén Feller) :

• tûtler : S0
• tût'ler : O4
• tûteler : E34, E170

E rfondou walon :

• tûtler : R10 ^(lére)

Li mot n’ est nén dins : E165, R13, S109, S117

Ratournaedjes

tûter mwint côps å clacson Loukîz a : tûter

• Francès : klaxonner ^(fr) répétitivement