Uzeu:Vî sto d' Coûrcèle

Èn årtike di Wiccionaire.

Bondjoû èt bénvnûye ås céns
Qui s’ pièdront asård su m’ pådje,
In s’ dèmandant in matén
C’ è quî la ’ç nouvia visådje ?

Èm tout p’tit no c’ è-st Alin,
Èm grand no, v’s nèl sôrèz nén,
Èm-n ådje, c’ est swèssante-ey-in
Èm-n adresse ? ça n’ va nén bén ?

Dj’ é crèchî dins l’ vî Coûrcèle,
Dj’ î n’meure toudi, c’ è-st èm trô,
Avè m’ feume, por mi l’ pus bèle,
Què dj’ vwès voltî come in fô.

Djè n’ é nén apris l’ walon
A scôle come tous lès vîs sådjes,
Djè scrî sins fé atincion
Djèl vos done dinsi m’ lingådje !

Pol rèsse, vos l’ dèmandrèz bén
Avè ’ne grande amitchôv’tè,
Djè vos rèspondrèz, u nén,
Si l’ mwârt èn m’ a nén apè !

Djè vos lèye, dj’ a mô mès dwèts,
Djè nd a pou pus, djè su scran,
Djèl vos di, djè su skètè
D’ awè dèvu scrîre ostant.

Alin, in vî coûrcèlangn.