brouheur

Droci, gn a des racsegnes sol brouheur

dins l' wa:Hôte Fagne

Walon

Etimolodjeye

Bodje «brouh-» (brouhene), avou l’ cawete « -eur ».

Sustantif

singulî	pluriyal
brouheur	brouheurs

brouheur f.

1. (mot d’ meteyo) amonçlaedje totès fenès gotletes d' aiwe e l' air, k' espaitchèt d' vey å lon.
   • C' est ene brouheur ki mousse foû d' tere et ki crope ezès fonds.
   • Vola-st ene brouheur ki s' eleve.
   • Li brouheur, sins nou brut, si winne foû del nutisté et si stind dzo les bouxhons (M. Frisée)
   • Li brouheur, påjhûle, s' ewale sol fondreye — (fråze rifondowe).
   • Ene brouheur a côper å coutea : li Spetin vs î ratind — L. Mahin.
2. pitite fene plouve ki vént do schoyaedje di ces gotletes la.
   • I brouhinrè torade; i tome ddja ene brouheur.
3. (imådjreçmint) sintimint d' esse dins li spexheur.
   • I fåt leyî cori ses brijhes po mete ses brouheurs e coleur — P.-H. Thomsin (fråze rifondowe).
4. wapeur.
   • Ene tchôde brouheur mousse foû des ståves Dou on-z ôt clitchtî les fotches et les råves — L. Nisen (fråze rifondowe).

Ratourneures

1. >> t' as idêye di fé rtourner les brouheurs : dijhêye a ont k' a metou on mousmint a l' evier.
2. >> aveur des brouheurs e l' tiesse : aveur li tiesse pezante après ene ribote.

   On dit eto: aeur des ptits ouys; aveur må les tchveas.

Sinonimeye

• (amonçlaedje di fenès gotletes d' aiwe e l' air, k' espaitchèt d' vey å lon): brouyård
• (toumaedje di fenès gotes di plouve): brouhene

Mots vijhéns

tokeu, rinåd

Sipårdaedje do mot dins les pårlers coinreces

w. do Mitan, w. do Levant

Ortografeyes

Après 1900, foû rfondou (Feller, Feller ricandjî, nén Feller) :

• broheû : G203
• brouheûr : E1, E34, G203
• brouweû : G203
• bruweû : C9, C13
• broheûr : E2, E21, G203

E rfondou walon :

• brouheur : R10 ^(lére), R13

Li mot n’ est nén dins : S117

Ratournaedjes

± amonçlaedje di fenès gotletes d' aiwe e l' air, k' espaitchèt d' vey å lon.

• Arabe marokin : 6baba (Dbaba) = ضبابة = ضْبابة
• Almand : Nebel ^(de)
• Inglès : fog ^(en), mist ^(en)
• Espagnol : niebla ^(es)
• Francès : brume ^(fr), brouillard ^(fr)
• Neyerlandès : mist ^(nl), nevel ^(nl)

± toumaedje di fenès gotes di plouve Loukîz a : brohene

• Francès : bruine ^(fr), crachin ^(fr)

± sintimint d' esse dins li spexheur.

• Francès : grisaille. ^(fr), brouillard ^(fr)