brouweur

Walon (Rifondou)

Bodje «brouw-» (brouwene), avou l’ cawete « -eur ».

singulî	pluriyal
brouweur	brouweurs

brouweur femrin

(mot d’ meteyo) amonçlaedje totès fenès gotletes d' aiwe e l' air, k' espaitchèt d' vey å lon.
- C' est ene brouweur ki mousse foû d' tere et ki crope ezès fonds.
- Vola-st ene brouweur ki s' eleve.
- Li solo s' live, li cir est clair, et, d' cial al copete do tidje, on cmince a vey çou ki s' passe e brouweur del fondreye— Henri Simon, "Mès cwate moumints" (1907) (fråze rifondowe).
- Li brouweur, sins nou brut, si winne foû del nutisté et si stind dzo les bouxhons — Maggy Frisée (fråze rifondowe).
- Li brouweur, påjhûle, s' ewale sol fondreye. — Louis Remacle (fråze rifondowe).
- I tome ene bleuwe brouweur, ene måhaiteye tcholeur. — Jules Claskin, « Airs di flûte et autres poèmes wallons », édition critique de Maurice Piron, 1956, « Candj’mint d’ tins », 1912, p.22 (fråze rifondowe).
- Ene brouweur a côper å coutea : li Spetin vs î ratind. — Lucyin Mahin.
pitite fene plouve ki vént do schoyaedje di ces gotletes la.
- I brouwinrè torade; i tome ddja ene brouweur.
(imådjreçmint) sintimint d' esse dins li spexheur.
- I fåt leyî cori ses brijhes po mete ses brouweurs e coleur. — Paul-Henri Thomsin (fråze rifondowe).
wapeur.
- Ene tchôde brouweur mousse foû des ståves Dou on-z ôt clitchtî les fotches et les råves. — Louis Nisen (fråze rifondowe).

t' as idêye di fé rtourner les brouweurs : dijhêye a ont k' a metou on mousmint a l' evier.
aveur des brouweurs e l' tiesse : aveur li tiesse pezante après ene ribote.
On dit eto: aveur des ptits ouys; aveur må les tchveas.