ouy

Walon (Rifondou)

Etimolodjeye 1

Tayon-bodje latén « hŏdĭē » ‎(« hodie ») (minme sinse), lu-minme on spotchî aplacaedje di tayon-bodje latén « hŏc » ‎(« hoc ») tayon-bodje latén « diē » ‎(« die ») (ci djoû cial), adon racuzinåve avou l' vî francès « hui », d' wice vént l' adviebe francès aujourd'hui.

Prononçaedje

• AFE :
  • diferins prononçaedjes : /uːj/ /yː/, miersipepieuzmint e l’ notule ALW 3.147
  • (pa rfrancijhaedje) /uj/
  • prononçaedje zero-cnoxheu : /uːj/
• Ricepeures : nén rcepåve

Adviebe

ouy (nén candjåve)

1. li djoû k’ on-z est.
   • Nos estans ouy dimegne — Motî Haust (fråze rifondowe).
   • Li djournêye d' ouy est pus froede ki l' cene d' ir — Motî Forir (fråze rifondowe).
   • C’ est ouy li fiesse del pårotche.
   • Ouy, dj’ a ptchî do sepi si l’ cir est todi bleu. — Jules Claskin, « Jules Claskin : Airs di flûte et autres poèmes wallons », édition critique de Maurice Piron, (1956), « Soliloque », 1912, p.93-94 (fråze rifondowe).

Ratourneures

1. ci n’ est nén d’ ouy ki
2. ci n’ est nén po ouy : çoula n' va nén torade atoumer.
   • Dji sondje ki m' potêye si chtroumfe tote seule, mins ci n' est nén po ouy — Paul-Henri Thomsin, ratournant Lès schtroumpfs èt lès bèrikes èmacralêyes, 2021, p. 17 (fråze rifondowe).
3. d’ ouy : rapoirt a ouy.
   • Tot çou ki n' est nén d' ouy, veyoz vs, on fwait ene croes dsus. — Joseph Vrindts, Vîx Lîge, (1901), p.143, “Li Trô Bottin” (fråze rifondowe).
   • Li grand respet k' on-z aveut pol viyesse,
     Les rdjetons d' ouy ont l' air del rinoyî :
     Roveyrént i, bounmint, çou k' pere et mere
     Rascoyèt d' poennes, afîsse do ls aclever ? — Jean Dessard, D'ine cohe so l'aute, 1939, p.103, Sovenance (1922) (fråze rifondowe).
4. est ç’ po ouy ou po dmwin
5. ouy al nute
6. ouy å matén
7. ouy al shijhe
8. ouy al vesprêye
9. pol djoû d’ ouy : e nosse tins.

1. ni rmetoz nén a dmwin çou k' vos poloz fé ouy

Mots d’ aplacaedje

• djin d’ ouy
• tins d’ ouy

Sinonimeye

• ådjourdu
• enute

Omofoneye possibe

/yː/ : oû, u (ou, oudon-bén), ou (wice)

Sipårdaedje do mot

w. do Levant

Ortografeyes

Divant 1900 :

• u : E212 ^(lére)
• hoûïe : EGer
• houïe : TBlgr
• houie : JKlc

Après 1900, foû rfondou (Feller, Feller ricandjî, nén Feller) :

• û : E21, E165 p. 109, E212b
• ouy : C99
• oûy : E1, E170

E rfondou walon :

• ouy : R10 ^(lére), R13

Ratournaedjes

Loukîz a : enute

Etimolodjeye 2

Dobès rfondowes

ouy

iy

Tayon-bodje latén « ŏcŭlus » ‎(« oculus ») (minme sinse)

Prononçaedje

• AFE :
  • diferins prononçaedjes : /uːj/ /uj/ /œːj/ /yː/
  • prononçaedje zero-cnoxheu : /uːj/
• Ricepeures : nén rcepåve

Sustantif

singulî	pluriyal
ouy	ouys

ouy omrin

1. (antomeye) organe ki sieve a vey clair.
   • Drovoz vos ouys, vos voeroz clair.
2. (botanike) tot pitit djeton d’ ene plante.

• 

Sinonimeye

• zîzî

Ratourneures

1. aveur les ouys pus grands ki l’ vinte
2. aveur l’ ouy paireye
3. aveur l’ ouy so
   • Cwand Vevè court sol pavêye – Boule-di-Gôme ni pout nén todi aveur l’ ouy dissus – i rintere co pus vite avou ene cråsse tosse k’ on lyi dinreut bén ene çanse po k’ î s’ taijhe. — Arthur Xhignesse, Boule-di-Gôme, 1912, p.7 (fråze rifondowe).
   • Aveur les ouyes pus grands ki l’ vinte. — Motî Cambresier (fråze rifondowe).
4. bén loukî wice k’ on mete ses ouys
5. divant ses ouys
6. ouys come ene marcote, ouys di marcote
7. fé des crolés ouys
8. fé des lådjes ouys
9. fé des ouys come des sårletes
10. foû d’ l’ ouy, foû do cour
11. èn nén aveur ses ouys el potche
12. inmer come ses ouys
13. les ouys dvins les ouys
14. ouy ki rwaite a Lidje po vey si Nameur ni broûle nén
15. braire ses ouys foû
16. a l’ ouy: clairmint divant tertos
    • Vos voeroz k' i dihotrèt. Pa, i dicwelixh a l' ouy— Édouard Remouchamps, Bultén del Societé d' Lidje, Bulletin de 1858, «w:Li savtî», 77-143 (fråze rifondowe).
17. dizo l’ ouy di : dizo l' awaitaedje di.
18. tini inte cwate-z ouys
    • BÊTRI. - Mi, del ricnoxhance por leye ?... Pa, si djel tineu inte cwate-z ouys, djel freu danser come on tournea !
      WÅTÎ. - Vos lyi dvoz ene bele tchandele, portant. — Joseph Mignolet, Li tchèsturlinne dèl bèle rotche, 1922, p.27 (fråze rifondowe).
19. ouys do Bon Diu : ouys d' ene påwe måye.
    • Tot d' on côp, on fwait ene håye, et dji voe-st ariver
      On croejhî betch surlet k' aveut poenne a passer ;
      I shofléve ossu foirt ki l' gros boû da Mågnêye,
      Po tchôkî di s' pus hôt ses deus aiyes totes hozlêyes
      Di markes et d' beas catchets å solo ki rlujhént
      Come les ouys do Bon Diu ki l' påwe mostere voltî. — Toussaint Brahy, Toussaint Brahy, œuvres wallonnes posthumes, Li songe da Babilone, 1887, p.36 (fråze rifondowe).
      
20. tini l’ ouy

Parintaedje

• ouyåde
• ouyrece
• adouyî, adouyaedje
• ziyter

Mots d’ aplacaedje

• côp d’ ouy
• må d’ ouy
• noer ouy
• ouy-di-boû
• ouy di tchet
• bleus-ouys
• tape-a-l’ouy
• tchike-a-l’ouy

Sipårdaedje do mot

w. do Levant, w. do Mitan, Basse Årdene

Ortografeyes

Divant 1900 :

• u : E212 ^(lére)
• ouie : E184 (a "moudreu")
• ouïe : C9a ^(lére)

Après 1900, foû rfondou (Feller, Feller ricandjî, nén Feller) :

• û : E2, E21, E145 (a « dârer »), E165 p. 40, E212b, S0
• ouy : C99, C106
• ouye : C8
• oûy : E1, E170, S0, S17, S117
• eùy : O2

E rfondou walon :

• ouy : R10 ^(lére), R13

Ratournaedjes

organe ki sieve a vey clair

• Arabe marokin : عين ^(ary) =‎ 3ein
• Almand : Auge ^(de)
• Inglès : eye ^(en)
• Espagnol : ojo ^(es)
• Francès : œil ^(fr)
• Neyerlandès : oog ^(nl)

a l' ouy

• Francès : à vue d' œil ^(fr)

Etimolodjeye 3

Eprontaedje do francès « ouille ».

Mot-fråze

ouy

1. mostere li doleur.
2. mostere li sorprijhe.
   • MATROGNÅRD. - No di no !
     C' est çoula !
     TÅTÎ (foû d' lu). - Ay ! Don !
     TONTON (tote pierdowe). - Ouy !
     TÅTÎ. - A ! Don !
     Tåtî et Tonton toumèt d' påmwezon tchaekene so ene tcheyire). — Édouard Remouchamps, Tåtî l’ Pèriquî, 1884, Ake I, Sinne XI, v. 222-223 (fråze rifondowe).

Mots d’ aplacaedje

• ouyouy
• ouyouyouy

Ortografeyes

Divant 1900 :

• ouy : ERtp

Ratournaedjes

ouy

• Francès : ouille ^(fr) !, aïe ^(fr) !

Waitîz eto

Lijhoz l’ årtike ouy so Wikipedia