plouve

Walon (Rifondou)

Etimolodjeye

Tayon-bodje latén « plovia » (minme sinse).

Prononçaedje

• AFE :
  • diferins prononçaedjes : /pluːf/ /plyːf/ /plɛf/ /plaf/ /plɛːf/ /plɛw/ miersipepieuzmint e l’ notule ALW 3.54 ; (36 prononçaedjes).
  • prononçaedje zero-cnoxheu : /pluːf/
• Ricepeures : nén rcepåve

Sustantif

singulî	pluriyal
plouve	plouves

plouve femrin

1. (mot d’ meteyo) aiwe ki toume djus des nûlêyes, gote a gote.
   • Les nûlêyes candjèt a plouve.
   • I fåreut del plouve, i fwait trop setch.
   • Cwand les plouves vinèt a muzeure, ele fijhèt l' rôtijhon bele. — Jean-Jacques Gaziaux (fråze rifondowe).
   • Co todi l' plouve ki tchait, ki tchait a rlaye di bok. — Émile Dumont (fråze rifondowe).
   • Gn a ene pitite fene plouve ki disgolene djus des nouwêyes — Lucyin Mahin.
   • C' est ene boune tere, ki l' plouve mouye sins adeuri — Pierre-Joseph Dosimont (fråze rifondowe).
2. ôte sacwè ki toume come des gotes.
   • Ene plouve di volantès pires.

• 

Ratourneures

1. Ratourneures djeneråles
   1. vint d' plouve : vint k' amoenne del plouve (el Walonreye : vint do Coûtchant). Loukîz a : schoice-vint.
   2. fé (ene sacwè) al plouve : î aler tins k' i ploût.
      • T' irès fener al plouve, twè !
   3. esse ribatou del plouve : esse metou la k' i ploût foirt.
2. po-z anoncî l' tins, u ndè djåzer
   1. plouve di dvant l' Sint-Djan est boune; après l' Sint-Djan, elle est mwaijhe : li Sint-Djan, c' est li cminçmint d' l' esté: i fåt do solea et nén del plouve.
3. sol tinme del ratindance del plouve
   1. Ene boune tchôde plouve våt d' l' ôr u : Li plouve, c' est do tins do Bon Diu : dijhêye cwand k' ploût après k' il åye yeu fwait setch.
   2. Ene tchôde plouve est todi boune pol waezon : dijhêye po rire a ene sakî ki n' a pont d' tchapea et k' i ploût (e l' esté).
4. sol tinme d' on tins avou bråmint del plouve
   1. Dj' estans bon po del plouve : il est dandjreus po ploure.
   2. I ploût et i plourè, dit-st i l' bierdjî a s' tchén : dijhêye cwand on voet k' i n' vout nén djoker d' ploure.
   3. des grossès plouves : des foitès plouves.
5. ratourneures imådjreces
   1. fé ene figueure come cwate samwinnes di plouve
   2. ene pitite plouve fwait toumer on grand vint, ene pitite plouve abate on grand vint
   3. fé l' plouve et l' bea tins : i cmande tertos, a l' asulon d' ses zines.
   4. Après l' plouve, li bon tins : après k' on-z a stî måvlé, on resse al boune.
   5. On sint todi do costé k' el plouve vént : on ricnoxhe todi bén les cis ki vos vlèt fé do toirt.
   6. I (ele) n' est nén tcheyou (-owe) del dierinne plouve : c' est on sûti, ene sûteye.

Parintaedje

• ploure, plovaedje
• ploviner, plovinete, plovter
• eploviner
• riploure

Dizotrins mots

• drache, lavasse, walêye
• plovinete, brouwinaedje, mozinaedje

Ortografeyes

Divant 1900 :

• plaif : E203 ^(lére)

Après 1900, foû rfondou (Feller, Feller ricandjî, nén Feller) :

• pieûve : G203
• pleûve : G203, S0
• ploûve : C1, G203
• pwève : G203
• plouve : G203
• plove : G203
• plêve : G203
• plûye : G203
• plâve : S117, G203
• plave : S38, S117, G203
• ploû : G203
• plèwe : G203
• plûve : S117
• plwève : G203
• pleûwe : G203
• pleuve : O2, G203
• pwave : S0, G203
• pleuwe : G203
• plwêve : G203
• pieufe : O4
• plêwe : G203, S0
• plève : G203

E rfondou walon :

• plouve : R9 ^(lére), R10 ^(lére), R11 ^(lére), R13

Ratournaedjes

aiwe ki toume do cir

• Arabe : مطر ^(ar) = مَطَر =‎ maTar
• Arabe marokin : شتا ^(ary) = شْتا =‎ chta
• Catalan : pluja ^(ca)
• Almand : Regen ^(de)
• Inglès : rain ^(en)
• Espagnol : lluvia ^(es)
• Francès : pluie ^(fr), ribatou del plouve : exposé à la pluie
• Itålyin : pioggia ^(it)
• Neyerlandès : regen ^(nl)
• Portuguès : chuva ^(pt)
• Sicilyin : chioggi ^(scn)

Waitîz eto

Lijhoz l’ årtike plouve so Wikipedia