plouve

Èn årtike di Wiktionary.
Potchî a: naiviaedje, cweri
Wikipedia-logo-en.png Droci, gn a
des racsegnes
sol plouve
Chuva (gotas).JPG

Flag of Wallonia.svg Walon

Etimolodjeye et tcherpetaedje

Tayon-bodje latén "plovia" (minme sinse)

Prononçaedje

Sustantif

singulî pluriyal
plouve plouves

plouve f.

  1. (meteyo) aiwe ki toume djus des nûlêyes, gote a gote.
    Les nûlêyes candjèt a plouve.
    I fåreut del plouve, i fwait trop setch.
    Cwand les plouves vinèt a muzeure, ele fijhèt l' rôtijhon bele (ramexhné pa J.J. Gaziaux).
    Co todi l' plouve ki tchait, ki tchait a rlaye di bok (E. Dumont). (E. Dumont)
    Gn a ene pitite fene plouve ki disgolene djus des nouwêyes (L. Mahin).
    C' est ene boune tere, ki l' plouve mouye sins aduri (P.J. Dosimont).
  2. ôte sacwè ki toume come des gotes.
    Ene plouve di volantès pires.
Ratourneures
  1. Ratourneures djeneråles
    1. >> vint d' plouve : vint k' amoenne del plouve (el Walonreye : vint do Coûtchant). Miniauge.gifLoukîz a : schoice-vint.
    2. >> fé (ene sacwè) al plouve : î aler tins k' i ploût.
      T' irès fener al plouve, twè !
    3. >> esse ribatou del plouve : esse metou la k' i ploût foirt.
  2. po-z anoncer l' tins, u ndè djåzer
    1. >> plouve di dvant l' Sint-Djan est boune; après l' Sint-Djan, elle est mwaijhe : li Sint-Djan, c' est li cminçmint d' l' esté: i fåt do solea et nén del plouve.
  3. sol tinme del ratindance del plouve
    1. >> Ene boune tchôde plouve våt d' l' ôr; u: >> Li plouve, c' est do tins do Bon Diu : dijhêye cwand k' ploût après k' il åye yeu fwait setch.
    2. >> Ene tchôde plouve est todi boune pol waezon : dijhêye po rire a ene sakî ki n' a pont d' tchapea et k' i ploût (e l' esté).
  4. sol tinme d' on tins avou bråmint del plouve
    1. >> Dj' estans bon po del plouve : il est dandjreus po ploure.
    2. >> I ploût et i plourè, dit-st i l' bierdjî a s' tchén : dijhêye cwand on voet k' i n' vout nén djoker d' ploure.
    3. >> des grossès plouves : des foitès plouves.
  5. ratourneures imådjreces
    1. fé ene figueure come cwate samwinnes di plouve
    2. ene pitite plouve fwait toumer on grand vint, ene pitite plouve abate on grand vint
    3. fé l' plouve et l' bea tins i cmande tertos, a l' asulon d' ses zines.
    4. >> Après l' plouve, li bon tins : après k' on-z a stî måvlé, on resse al boune.
    5. >> On sint todi do costé k' el plouve vént : on ricnoxhe todi bén les cis ki vos vlèt fé do toirt.
    6. >> I (ele) n' est nén tcheyou (-owe) del dierinne plouve : c' est on sûti, ene sûteye.
Parintaedje
Dizotrins mots


Ortografeyes

Si vos irîz rnaxhî dins des ôtes motîs, et trover l' mot "plouve", riherez ciddé li scrijha do mot ki vos î avoz trové, et l' rahouca do motî el djivêye.

Ratournaedjes