dimorer el paile fåte di cråxhe

Walon (Rifondou)

= dimorer e l’ paile fåte di cråxhe

Dijhêye

dimorer el paile fåte di cråxhe

1. èn nén trover d' marieu, paski l' famile del djonne feye est trop pôve po payî l' dote (dinltins, c' est l' famile del båshele ki dveut payî ene sacwè po les maryîs s' mete e manaedje).
2. (pa stindaedje do sinse) minme sacwè po on djonne ome.
   • BIETMÉ. - Ha, ha, ha, c' est do bouyon po les moirts, çou k' vos m' racontez la, dji n' vis såreu måy croere.
     DEZIRÊYE. C' est portant bén insi, vos dmorez e l' paile fåte di cråxhe, Bietmé. — Joseph Vrindts, Li diale di so l'fontaine, 1889, sinne II, p.6 (fråze rifondowe).

Sinonimeye

• dimorer el paile fåte di boure

Contråve

i mareye ene feye unike: il årè l’ tchambe et l’ botike (ci côp la, on djåze do valet).

Mots vijhéns

• wåkî sinte Catrene / cwefer sinte Catrene
• monter a sminces

Ratournaedjes

dimorer el paile fåte di cråxhe

• Francès : coiffer sainte Catherine ^(fr)