målureus

Walon (Rifondou)

Etimolodjeye

Bodje « ureus » avou l’ betchete « mål- », çou ki dene on mot avou l’ cawete « -eus ».

Prononçaedje

• AFE :
  • diferins prononçaedjes : /mɔː.ly.ˈʀøː/ /maː.ly.ˈʀøː/ /mɑ̃.ly.ˈʀøː/ /ma.lɛ.ˈʀøː/ (betchfessî å)
  • prononçaedje zero-cnoxheu : /mɔː.ly.ˈʀøː/
• Ricepeures : må·lu·reus

Addjectif

	singulî	pluriyal
omrin	målureus
femrin padrî	målureuse	målureuses
femrin padvant	målureuse	målureusès

målureus omrin (come addjectif djondrece, metou padvant u padrî l’ no)

1. ki n' a pont d' bouneur.
   • Li ptite istwere ki dji m’ rapinse,
     E-st ene prouve k’ on n’ dene k’ ås pîlåds
     Et ces-la ki n’ savèt fé l’ fås
     Sont bén pus målureus k’ on n’ pinse. — Joseph Vrindts, ”Vîx Lîge” (1901), p.70, “L’Onai d’ôr” (fråze rifondowe).
   • Nos n' avans pus des bruts d' oujhenes;
     c' est po ça k' on-z est målureus.
     Avou des tchminêyes orfulenes — Richard Joelants (fråze rifondowe).

Ortografeyes

Divant 1900 :

• malhureu : C9a ^(lére)
• malhèreu : C9a ^(lére)

Après 1900, foû rfondou (Feller, Feller ricandjî, nén Feller) :

• målureûs, målureûse : E1
• malèreus : S36 ^(lére)
• malureûs : C1
• mâlureûs, mâlureûse : E34, S0
• malèreus, malèreûse : S117
• malèreu : C8
• manlureûs, manlureûse : E165
• målèreûs : E1

E rfondou walon :

• målureus, målureuse : R9 ^(lére), R10 ^(lére), R11 ^(lére), R13

Ratournaedjes

ki n' a waire di bouneur

• Francès : malheureux ^(fr)

Sustantif

	singulî	pluriyal
omrin	målureus
femrin	målureuse	målureuses

målureus omrin

1. ome ki n' vike nén divins l' bouneur.
   • Çou k' aswadjit on målureus, c' est k' i n' est nén tot seu.
2. onk ki n' a waire di cwårs.
   • C' est l' ivier, et les målureus
     Djemixhèt d' fwin, djemixhèt d' froed ! — Joseph Vrindts, "Vîx Lîge" (1901) p. 3, "Sov’nance d’Hiviér", (fråze rifondowe).
   • Ces deus målureus la ki rivnèt d’ l’ ovraedje, fornåjhis et pierdous, come des sodoirmants. — Arthur Xhignesse, « Boule-di-Gôme », 1912, p.19 (fråze rifondowe).

Ratournaedjes

onk ki n' vike dins l' måleur

• Francès : malheureux ^(fr)

Mot-usteye

målureus (dins èn arinnoe)

1. rafoircixh èn adviertixhmint (dit k' on-z årè des rujhes si on fwait çoula)
   • Bén t' es sote ! Ni fwai nén ça ; målureuse, twè ! — Motî d’ Bastogne (fråze rifondowe et rarindjeye).
2. (nén candjåve) rafoircixh li fråze, tot mostrant ki l' contråve n' est nén pinsåve.
   • Aler å docteur; o neni ! målureus, vozôtes ! — Auguste Laloux, Li p’tit Bêrt (fråze rifondowe et rarindjeye).
   • Pa, vs toumez moirt divant l' botaye,
     Målureus ! si vos tnîz l' siermint ;
     Li violon, c' est vosse tchambe gårneye,
     Alez lever l' keute, on vs ratind ! — Jean Dessard, D'ine cohe so l'aute, 1939, p.145, Di stoc èt d’ tèye ! Sinne dialoguêye anti-alcoolique (1927) (fråze rifondowe).
   • Elle esteut dins ene di ces raedjes, målureus ! — Motî d’ Bastogne (fråze rifondowe).
   • Si t' åreus veyou l' vitesse k' i coreut, målureus, dji n' ti di k' ça ! — Motî d’ Bastogne (fråze rifondowe et rarindjeye).