ridoxhî

Walon (Rifondou)

Alofômes di r(i)-

avou ene sipotchåve voyale	avou ene divanceye voyale	sipotcheye cogne
ridoxhî	erdoxhî	rdoxhî

Etimolodjeye

Bodje * « redossiare », lu-minme du Tayon-bodje latén « dorsum » (screne), pal voye do vî lingaedje d’ oyi « redoissier ».

Prononçaedje

• AFE :
  • diferins prononçaedjes : /ʀi.dɔ.hiː/ /ʀy.dɔ.hiː/ (minme prononçaedje cåzu pattavå)
  • prononçaedje zero-cnoxheu : Prononçaedje a radjouter 
• Ricepeures : ri·do·xhî

Viebe

ridoxhî

Djin et tins	Codjowa
Cåzant Ind. pr. (dji, dj’)	ridoxhe
Atôtchî(s) Ind. pr. (vos, vs)	ridoxhîz
Cåzants Ind. pr. (nos, ns)	ridoxhans
Rwaitants Ind. pr., nam. (i/il, ele/elle)	ridoxhnut
Cåzant Ind. fut. (dji, dj’)	ridoxhrè
Cåzant D.I.E. (dji, dj’)	ridoxhive
Cåzant Suddj. pr. (ki dji, dj’)	ridoxhe
pårt. erirece (dj’ a, vos av)	ridoxhî
Ôtes codjowaedjes	come waitî

1. rinde moens afilant.
   • Mi hepe est tote ritournêye, li taeyant est tot rdoxhî — Motî Haust (fråze rifondowe).
2. (v. sins coplemint) bodjî revoye eviè l' direccion d' ou vént l' côp.
   • L' usteye ridoxhe sol pire — Motî Haust (fråze rifondowe).
3. (v. sins coplemint) esse fortcherdjî d' aiwe, di tolminme tchedje.
   • Mi bodet est si plin k' i rdoxhe — Motî Forir (fråze rifondowe).
4. (v. å coplemint nén direk eployî avou li dvancete « di ») esse tot plin, ritche di.
   • Dji r'doh'rè d' corèdje
     Èt tofér come oûy ,
     Dj'årè so l' vizèdje
     Li blame di vos-oûys
     — Camille Gaspard.
   • Nosse monde rudoh, pout-on dîre,
     D'one masse du curiôzités
     — Camille Gaspard.
   • Djulete, plin d' feu, nos prezintrè ses dierins djoûs so ene tere ki rdoxhe di ritchesse et d' ameur — Louis Lagauche, "Prindoz vosse bordon" (1937), p. 30 (fråze rifondowe).

Parintaedje

• ridoxhant

Mots d’ aplacaedje

• a rdoxhe

Sinonimeye

• (fé moens afilant) : riboler, ribrognî, spontyî
• (esse fortcherdjî d' aiwe, di tolminme tchedje) : disboirder, dissoti
• (esse ritche di) : abonder

Contråve

• (rinde moens afilant) : afiler, awijhî, remoure, shinmyî, stritchî
• (abonder) esse dihessî di , esse pôve di, esse djus di

Ortografeyes

Divant 1900 :

• ridohî : E203 ^(lére)

Après 1900, foû rfondou (Feller, Feller ricandjî, nén Feller) :

• ridohî : E1
• rdohî : E1

Li mot n’ est nén dins : E89

Sipårdaedje do mot

w. do Levant

Ratournaedjes

disawijhî

• Francès : émousser ^(fr), courber ^(fr)

ribômer

• Francès : rebondir ^(fr)

esse fortcherdjî d' aiwe, di tolminme tchedje

• Francès : déborder ^(fr)

abonder

• Francès : abonder ^(fr), être plein de ^(fr), regorger ^(fr), grouiller ^(fr) de