xhiyî

Walon (Rifondou)

Dobès rfondowes

xhiyî

schirer

Etimolodjeye

Tayon-bodje vî francike « skerian » (schåyî, pårti); çou ki dene on mot avou l’ cawete di codjowaedje « -î » des viebes; racuzinåve avou l’ neyerlandès « scheuren », l’ inglès « shear » et l’ almand « scheren ».

Prononçaedje

• AFE :
  • diferins prononçaedjes : /ʃi.ˈjiː/ /hi.ˈjiː/ (betchfessî xh)
  • prononçaedje zero-cnoxheu : /ʃi.ˈjiː/ (waire u nén prononcî insi å 20inme sieke)
• Ricepeures : xhi·yî

Viebe

Djin et tins	Codjowa
Cåzant Ind. pr. (dji, dj’)	xheye
Atôtchî(s) Ind. pr. (vos, vs)	xhiyîz
Cåzants Ind. pr. (nos, ns)	xhiyans
Rwaitants Ind. pr., nam. (i/il, ele/elle)	xhiynut
Cåzant Ind. fut. (dji, dj’)	xhiyrè
Cåzant D.I.E. (dji, dj’)	xhiyive
Cåzant Suddj. pr. (ki dji, dj’)	xheye
pårt. erirece (dj’ a, vos av)	xhiyî
Ôtes codjowaedjes	come criyî

xhiyî

1. (viebe å coplemint) schirer.
   • Xhiyî ene bote ou ene tchåsse tot l' metant. — Motî Forir (fråze rifondowe).
   • Nos rôlans onk so l’ ôte el corote… crak ! dji xheye li cou di m’ pantalon. — Georges Alexis.
   • Il aveut dvant lu ene cabasse di fike et ndè magnive å s’ fé xhiyî.
   • Dj’ aveu si télmint soe k’ dj’ end aveu boevou a m’ endè fé xhiyî. — Jean-Pierre Dumont.
   • Nos rôlans onk so l’ ôte el corote… crak ! dji xheye li cou di m’ pantalon. — Georges Alexis.
2. (pus stroetmint) drovi ene lete, on paket brouxhirmint.
   • Awè ! (I xheye li lete et lét ... après) Qwand l' diåle n' a nén tot l' atelêye ... vo-m'-la prôpe ! — Louis Lagauche, "Câse d'on comichonaire" (1904), p.17 (fråze rifondowe).
3. (viebe å coplemint) finde.
   • Xhiyî ene pire e deus. — Motî Haust (fråze rifondowe).
   • E fond d’ ene hourêye, ene grêye vwès xhiya l’ påjhûlisté del tere et s’ sipårda dzo les coxhes, claire, ledjire come li sospir d’ on clabot å lon… bén lon… — Joseph Mignolet, Vè l’loumîre (fråze rifondowe).
   • Il a xhiyî l’ ouxh e deus d’ on côp d’ hepe. — Motî del Hesbaye.
4. (v. sins coplemint) aveur on gros vinte presse a peter.
   • I s’ kitapéve des eures å long so bedreye, tot frexh témint k’ souwéve, fåte do poleur distinkyî si osteye, roede come on bwès, presse a xhiyî. — Jean-Pierre Dumont.
5. (v. sins coplemint) (imådjreçmint) fé finde li cir.
6. (v. sins coplemint) (mot d’ houyeu) s’ afondri.
   • Li toet va xhiyî. — Motî Haust (fråze rifondowe).
7. (v. sins djin) (mot d’ houyeu) s' afondri.
   • I tchôke e l' taeye : i va xhiyî. — Motî Haust (fråze rifondowe).
8. (viebe å prono) : Loukîz a : « si xhiyî »..

Ratourneures

1. k’ i n’ xheye t i : dijhêye d' on houyeu po sohaitî èn aboula.
2. si fé xhiyî : si fé peter (tot magnant dtrop).
3. si xhiyî e cwate.
   • I s' xheyreut e cwate po rinde siervice. — Motî Haust (fråze rifondowe).
4. fåt k’ i pete ou k’ i xheye, sovint abredjî pete k’ i xheye! : (mot po mot : çou ki bôgueye finit pa peter) dijhêye divant ene sacwè k’ on va risker gros.
5. i ploût a xhiyî : i ploût a saeyeas.
6. xhiyî d’ rire
   • Dji xheye di rire. — Motî Forir (fråze rifondowe).

Parintaedje

• xheye
• xhiyaedje, xhiyåde
• xhiyeure, xhiyisse, xhiyon
• kixhiyî
• ramxhiyî

Mots d’ aplacaedje

• xhiyî foû

Mots vijhéns

(aveur on gros vinte presse a peter)

• bôgyî
• veler
• si sboyler.

Ortografeyes

Divant 1900 :

• xhii : E212 ^(lére)
• hiî : E203 ^(lére)

Après 1900, foû rfondou (Feller, Feller ricandjî, nén Feller) :

• hiyî : E1, E170, E213

E rfondou walon :

• xhiyî : R10 ^(lére)

Li mot n’ est nén dins : C8, R13

Sipårdaedje do mot

w. do Levant

Ratournaedjes

schirer

• Francès : déchirer ^(fr), éclater ^(fr)

finde

• Francès : fendre ^(fr)

aveur on gros vinte presse a peter

• Francès : (se faire, être prêt à) éclater ^(fr), exploser ^(fr), se rompre ^(fr)

fåt k’ i pete ou k’ i xheye ; pete ki xheye !

• Francès : il faut trouver une solution ; advienne que pourra ; arrive qui plante ; à la grâce de Dieu ; ça passe ou ça casse

i ploût a xhiyî

• Francès : il pleut à verse

Pårticipe erirece

xhiyî omrin

1. Pårticipe erirece omrin do viebe "xhiyî".

Addjectif

	singulî	pluriyal
omrin	xhiyî	xhiyîs
femrin padrî	xhiyeye	xhiyeyes
femrin padvant	xhiyeye	xhiyeyès

xhiyî omrin (come addjectif djondrece, metou padvant u padrî l’ no)

1. k' est findou.
   • Li meur est tot xhiyî. — Motî Haust (fråze rifondowe).
2. pansou, avou on gros vinte.
   • C’ esteut des xhiyeyès chopes come on voet e tirol. — M.J. Heusdain-Ancia, (sourdant a recråxhî).
3. gros (divant ene unité d’ tins), ki deure lontins.
   • On grand xhiyî cwårt d' eure. — Motî Haust (fråze rifondowe).
   • Il ont rastårdjî noste assôt d’ tchant di troes xhiyîs cwårts d’ eure. — Dieudonné Salme.
   • Vola passé ene xhiyeye dimeye eure ki dj’ lé et k’ dji rlé l’ lete ki l’ advocåt vént d’ m’ avoyî, sins î poleur rén comprinde. — Henri Simon, « Janète » 1911, (eplaidaedje da Jean Haust di 1936), p.136 (fråze rifondowe).
4. parfond, foû mezeure.
   • On grand xhiyî cofe. — Motî Haust (fråze rifondowe).
   • Ene grande xhiyeye tåve. — Motî Haust (fråze rifondowe).
   • Neni mins l’ intrêye di l’ årvô,
     N’ esteut por lu k’ on xhiyî trô
     La ki l’ mådrea s’ catche, vis apogne. — Joseph Vrindts, ”Vîx Lîge” (1901), p.78, “Li p’tit Pît’lé” (fråze rifondowe).

Mots d’ aplacaedje

• xhiyeye tape

Ortografeyes

Après 1900, foû rfondou (Feller, Feller ricandjî, nén Feller) :

• hiyî, hiyèye : E170

E rfondou walon :

• xhiyî, xhiyeye : R10 ^(lére)

Ratournaedjes

findou

• Francès : fendu ^(fr), fissuré ^(fr), lézardé ^(fr)

pansou

• Francès : gros ^(fr), ventru ^(fr), pensu ^(fr)

gros

• Francès : gros ^(fr)