mambor
Cisse pådje u ci hagnon ci est co a scrire, u a mete d’ adrame. Si vos avoz des cnoxhances so l’ sudjet, vos l’ ploz fé vos-minme.Etimolodjeye
[candjî]mambor vént do vî francike, k' on rtrouve dizo l' cogne latene mundiburdus
Sustantif
[candjî]mambor omrin
1. (v.m.) mambor d' efant, d' ôrfulén: sakî responsåve d' èn ôrfulén mineur.
- Ses ôrfuléns ont stî metou dzo mambor (F. Deprêtre et N. Nopère). F. tuteur.
fé les mambors lomer les cis ki s' vont ocuper des ôrfuléns. Li pere esteut moirt, il a falou fé les mambors: ç' a stî Gusse di mon l' Lidjeu et mononke Frere (J. Calozet).
2. sakî ki disfind èn ôte, pus ptit et pus flåwe, ki rwaite a lu.
"N' åyoz nén sogne, Abraham", dit-st i, "c' est mi, vosse mambor, li ci ki vs mete a houte (Li Djeneze, rat. pa L. Hendschel). F. protecteur, surveillant.
- (mot d’ l’ administråcion) onk ki viernêye ene veye, ene contrêye.
- Rimerciyans les grands Mambors del Veye
Des grands palås k' i nos ont fwait basti,
Di ç' monumint k' est djudjî sins parey
Pa les årtisses k' acorèt pol vey. — Henri Forir, Blouwett lîgeoiss, On pansiona, 1843, p.25 (fråze rifondowe).
- Rimerciyans les grands Mambors del Veye
3. mambor d' eglijhe: mårlî (ki pleut esse eto prezidint del Fabrike d' Eglijhe). do bén d' mambor bén del fabrike d' eglijhe. F. fabrique d'église. Tcherbonaedje do Mambor no d' ene plaece di Tchålerwè (tcherbonaedje espweté på mambor di l' Eglijhe del Veye-Hôte). El cwénzinne å Mambor tchanson da Djåke Bertrand. å Mambor (so plaece: au Mambour) no d' ene plaece di Viyance.
4. mambor testamintåre: sakî metou pa ene djin so s' testamint, po pårti ses béns come el voleut. F. exécuteur testamentaire.
5. mambor di fayite: sakî metou på tribunå d' comiece po manaedjî ene societé e fayite. F. curateur, administrateur.
6. advocåt-mambor, medcén-mambor, evnd.: consyî. Dj' a stî trové mi assureu-mambor. F. conseil(ler).
7. mambor di teze: professeur ki mostere on sudjet d' teze a on studiant, eyet l' shuve disk' a tant k' il a tot fwait. F. directeur (de thèse), rapporteur.
8. responsåve di djins, di sacwès. F. responsable.
9. onk ki rprezinte on bocseu, on fotbalisse, èn acteur di cinema, on scrijheu, on tchanteu, evnd., cwand c' est po fé martchî avou ene ekipe di fotbal, on produjheu d' fimes, èn eplaidreye, ene societé d' plakes. On dit eto: manadjer. F. agent.