Sujet sur Uzeu copene:Reptilien.19831209BE1

Ene ôte sacwè : tot metant a djoû les modeles di mestîs et dominnes po-z î mete li lignaedje, dj' a veyou k' i gn a bråmint des pådjes ki sont djusse ene cogne sipotcheye (ou plinne), ou pluriyal, ou femrin, evnd. d' ene mwaisse pådje; mins k' elle ont tos les dzo hagnons, vudes ou cåzu, ou avou des redjiblaedje (Lka,...) eviè l' mwaisse pådje.

Po les ortografeyes c' est co pé, on pout aveur mitan des cognes so ene pådje, mitan so l' ôte (et n' nén bén vey ki c' est spotchåve do côp). I gn a bén l' modele "@orto", mins il est målåjhey a-z eployî, la k' i fåt mete do côde nén wiki so ene des pådjes; et ça n' rote nén s' i gn a pus d' on houcaedje "Orto" dins l' minme pådje.

Dji propôze di fé come dins les motîs "normås", et di n' sipepyî ki l' mwaisse intrêye. Po tot l' restant (cognes sipotcheyes/plinnes, pluriyals, femrins, codjowas) mete djusse (avou des modeles) ene roye po-z evoyî eviè l' mwaisse pådje (direk pa dzo l' hagnon lingaedje).

Insi totes les infôrmåcions (etimolodjeye, definixhas, egzimpes, ratourneures, ratournaedjes, notules d' eployaedje, sipårdaedje, ortografeyes,...) sont-st eshonne.

Cwè ndè pinsez @Reptilien.19831209BE1, @Lucyin ?

La eto, dji vos shuve, ça shonne branmint pus simpe di fé come çoula. Dji n' oiseu nén l' atåvler, ciste idêye, mins dins l' fond djel pinséve.

Avou on module, i n' åreut nén mezåjhe di dner l' no del pådje eviè wice revoyî (ça pôreut esse fwait "madjicmint" på module).

Adon, li modele åreut on prumî paramete

• f : femrinne cogne di
• pl : pluriyal di
• _s : sipotcheye (après voyale) di (eg: cbate, ndè)
• i : cogne plinne avou "i" (eg: sicole)
• e : cogne plinne avou "e" (eg: escole, erfé)
  • (po ces deus la, ça direut, s' il astchait, si c' est l' cogne levantrece ou coûtchantrece)
• o : cogne plinne avou "o" (eg: cobate), et ça direut ki ça pout esse nén spotchåve dins des cotoûs k' i gn a
• s_ : sipotcheye (divant voyale) di (eg: k' , end)
• _s_ : sipotcheye (après voyale et dvant voyale (eg: nd (dji croe ki c' est l' seu)
• ès : femrin pluriyal pa dvant l' no d' èn addjectif
• c : codjowa

i s' pôrént acdicioner, come les croejhetes dins "stitchete" (eg: i+f+pl po "sitroetes"; e+f po "estroete"). pol codjowa, i gn ârè deus ôtes parametes: li viebe a l' infinitf (oblidjî; ça sereut bén pus simpe ki d' sayî d' adviner) eyet (nén oblidjî) li sôre di codjowa (PP, PE, IP1S,.... les minmes k' eployîs dins les parametes des tåvleas "rawete")

si c' est nén on codjowa, adon on 2inme paramete (nén oblidjî) pôreut dner l' croejhete (po fé les ankes des loyéns).

po tos, les lomés parametes (nén oblidjîs) anke= et ling= pôrént esse eployîs ("i", "e", "o", "ès" ni rotrén k' avou l' walon)

on pôreut eto radjouter d' ôtes côdes pol prumî paramete po des lingaedjes k' i gn a (metans pol cogne avou l' cossoune d' atake candjeye des lingaedjes gayels, eg: bro => ar vro)