Sujet sur Uzeu copene:Lucyin

Èl-Gueuye-Noere (copinercontribouwaedjes)

Bondjoû Lucyin,

Dj' a on pitit dmandaedje rwaitant l' disfinse dins l' fotbale. Dins vosse motî (R5), vos scrijhoz ki : disfindeu = bâk = èrire. Mins nerén, dji croe k' el Beldjike, nos uzans purade disfindeu come estant l' mot djenerå, dismetant k' nos uzans li mot "bâk" po les disfindeus-cintrå eyet k' nos uzans li mot "èrire" po les disfindeus-gåtche insi k' po les disfindeus-droet.

K' est-ç ki vos pinsoz d' çoula ?

Amiståvmint,

Èl-Gueuye-Noere

Lucyin (copinercontribouwaedjes)

Vos m' fijhoz ridiscovri on vî ovraedje, ki dj' aveu rovyî. Gråces.

Cwand dji djouwéve, totes les ekipes si plaecént a môde 5-3-2. Adon, gn aveut k' deus "erîs" (dji n' direu pus "erire" mins erî, come dins "erî-såjhon", motoit "erire" po les ekipes di comeres), k' on loméve "bak". Li mot est eto dins S0:

bak n.m. • 1. Arrière (au football). Il èst bak drèt dins l' èkipe du Bastogne. • 2. Place assignée à ce joueur. 1 djoûe o bak.

et dins S117: Lu bak drèt, lu bak gåtche; Dju djouwo bak, mês pa des côps, dju monto pou-z êder les atacants.

Vos lomaedjes rotèt pol 4-2-4, k' on n' djouwéve cåzu nén adon.

Dji radjoutrè ces esplikêyes la sol Wiccionaire (bak) et so Wikipedia.

Av on scrît sourdant pol prononçaedje avou on long <a> (bâk)?

Èl-Gueuye-Noere (copinercontribouwaedjes)

D' acoird, si dj' a comprindou les erîs eyet les baks sont les disfindeus sol costé ? Pol mot "bâk" scrit avou on "â", ç' esteut ene flotche ortografike da m'-minme.

Èm lomaedje rotnut po des disfinses avou cwåte, minme cénk disfindeus (4-X-X ; 5-X-X), avou deus/troes å cinte eyet les deus dierins so les costés. Mins nerén, dji pinse k' èl 4-2-4 n' est nén foirt uzé, oudomoens asteure, paski cwåte atakeus po seulmint deus alfs, ç' est cwand minme curieus yet nén-ahessant ([FR] pas pratique).

Do côp, vost ovraedje (R5), ç' est purade do vî-rfondou ?

Lucyin (copinercontribouwaedjes)

oyi, c' est do rfondou d' 1998, motoit ene miete ricandjî diski 2002. Djel rimetrè a môde d' enute si dj' a l' tins. Mins adon, purade sol Wikipedia (po wårder li vî sourdant). Si vos av li tins... Ci sereut: w:Motlî do fotbale e rfondou, si possibe pa ôre alfabetike. Gn a eto des noveas mots a-z î mete come les "plaiyofs". Motoit dmander a Djan Goffart ene lisse d' ôtes mots (i m' end aveut ddja eoyî sacwants, mins dji n' sai wice ki dj' les a stitchî).

Èl-Gueuye-Noere (copinercontribouwaedjes)

Dj' a d'dja askepyî l' djermon so Wikipedia avou l' difoutrin k' vos m' avoz dné. I gn' egziste d'dja ene categoreye roci avou les mots vnant d' èç motî.

Lucyin (copinercontribouwaedjes)

Oyi, merci. Dji pinséve el rarindjî pa ôre alfabetike (po k' ça soeye èn ovraedje bén diferin do prumî).

Répondre à « Disfinse (Fotbale) »