Dins l' DTW i gn a-st on viebe "efure"; dji pinse ki c' est vos ki l' avoz radjouté.
Dj' aveut ddja trové "fure" (=fr:fuir) (nén dins on motî, djusse on côp dins on tecse); adon "efure" po les sinses fr:enfuir = s'endaler, fure å lon, ça va foirt bén.
Mins l' ôte sinse, di fé vni foû, di disboirder, ça ireut mî avou "afure" (betchete a- di "metaedje a fé").
Adon dj' atåvele di dispårti:
- efure (cwite al mete a pårt sins disfondowes; sait-st on måy on ndè trouvrè ene dins des vîs motîs) : pol sinse di fure å lon.
- afure : po les sinses di disboirder, di mostrer s' raedje.
Pol codjowaedje, dj' aveu ddja metou "fure" sol codjowoe, come çoucial : A=C=fujh,B=fû (come "lure, produre, kidure, instrure" dabôrd).
Li codjowaedje ki vos dnez po afoure shût l' ci di boure, moure.
tos ces viebes la del 5inme troke ki finixhèt avou C-V-re si codjowèt a pô près parey; c' est l' sititcheye cossoune ki candje; vocial po les cis avou -eure/-ure/-oure:
- -ure : dji ...-û, nos ...-uvans
aporçure, shure, riçure (=> son "s" + -ure )
- -ure ; dji ...-û, nos ...-ujhans
kidure, produre, distrure, ridure, lure, instrure (sons "d", "tr", "l" + -ure)
- -eure : dji ...-eu, nos ...-oyans
scheure, keure ( => son "k" + eure )
- -oure : ...oû, ....-ovant
ploure (=> son "l" + -oure)
- -oure : dji ...oû, nos ...-olans
boure, moure (=> sons "b", "m" (leprins) + -oure)
dji m' abaiti k' i n' a nén dins ces-la di son "dintåle + -(o)ure"; ça sereut bén ne famile da lu ? (come "ploure")
a, siya, i gn a motoit onk... si on louke a "vey" come "voere" : ( dintåle + -eure ); li codjowaedje di vey eploye y come sititcheye cossoune (dji voe, nos veyans)
fure : dji fû, nos fuyans, ki dj' fûxhe (A=fuy,B=fû,C=fûxh) dabôrd ? (c' est pol bodje C ki dji n' sai nén trop; dj' a metou fûxh- po shure vosse « k' il afoûche »
(dji vola vey dins l' Beschrelle e francès po "fuir", po m' fé ene idêye, mins dji nel ritrouve nén)