Wiccionaire:Istwere do Wiccionaire

Èn årtike di Wiccionaire.
(Redjiblé di Wiccionaire:R11)
Sauter à la navigation Sauter à la recherche

Li 12 di decimbe 2002, li prumî Wiccionaire (e-n inglès) a skepyî dzo l’ adresse wiktionary.wikipedia.org. Ès-n adresse a candjî li 26 di decimbe di cisse anêye la po divni www.wiktionary.org. El coxhe francofone (fr.wiktionary.org) a-st aparexhou li 22 di måss 2004 eyet l’ coxhe walonofone (wa.wiktionary.org) e 2005, minme si l’ pus vî årtike est al date do 22 di djun 2003[1].

Li Pordjet motî[candjî]

Divant k’ el Wiccionaire soeye metou so les fis, gn aveut ddja so Wikipedia on pordjet d’ diccionaire, lomé Pordjet motî (u co Esplicant Motî Wikipedia) k’ a cmincî e djun 2003. Il a stî adjinçné tot fjhant rcopyî, pa des binamés robots, l’ Esplicant motî do walon del waibe l’ Aberteke, askepieye pa Lucyin Mahin et manaedjeye tecnicmint pa Pablo Sarachaga, çoula po poleur recråxhî l’ Esplicant motî pus åjheymint pa d’ ôtes contribouweus. Ci pordjet la a stî recråxhî disk’ å 23 di djanvî 2009, cwand il a bagué sol Wiccionaire. Li Pordjet motî est rprins sol limero R11 sol Wiccionaire.

Ene årtchive edjalêye, avou les pådjes do motî come ele estént so Wikipedia, est lijhåve a ciste adresse ci.

Li Wiccionaire[candjî]

Li pordjet motî so Wikipedia a stî rcopyî sol Wiccionaire e 2005, todi pa des binamés robots. Gn a eto des årtikes ki vnèt direk do DTW u ki sont-st ahivés eshonne so les deus sourdants.

Li no « Wiccionaire » eyet l’ dizo tite « Li libe motî » ont stî atåvlés pa Lucyin Mahin li 24 d’ awousse 2010[2].

Dispu fén 2017, gn a yeu on cråne rassonraedje des modeles, gråce a l’ ovraedje da Reptilien.19831209BE1 eyet Pablo, sol modêye des cis k’ on trouve so les ôtes Wiccionaires. Li 25 d’ avri 2020, ene novele modêye del Mwaisse pådje a stî disployeye. Li viye modêye est årtchiveye vaici.

Statistikes des noveas årtikes[candjî]

(1) Dinêyes vinant di : stats.wikimedia.org. Èn årtike, c’ est onk eredjistré dins l’ mwaisse espåce avou on loyén divantrin.
(2) Sins tni conte des årtikes ki n’ estént k’ so Wikipedia (Pordjet motî) et les cis metous flotchreçmint dins l’ mwaisse espåce, tchifes sorlon Li Rantoele.
                    (1)       
      djun 2003     137
   djulete 2003     500
   decimbe 2003     1 000
       may 2004     2 000
   djulete 2004     3 000
   novimbe 2004     4 000
     fevrî 2005     5 000
   djulete 2005     6 000
   decimbe 2005     7 000
   djulete 2006     8 000
       may 2007     9 000
   djulete 2008     10 000
      avri 2009     11 000
      avri 2010     12 000
  septimbe 2011     13 000
       may 2012     14 000
    djanvî 2013     15 000
   awousse 2013     16 000
      avrî 2014     17 000
   awousse 2014     18 000
      avrî 2015     19 000
    octobe 2015     20 000
   djulete 2016     21 000
      djun 2017     22 000
 7 decimbe 2017     ------     22 843 (lim. 84)
     fevrî 2018     23 000 
7 septimbe 2018     ------     20 127 (lim. 87)  (2)
11 decimbe 2018     ------     20 545 (lim. 88)
   decimbe 2018     24 000     ?
   11 måss 2019     ------     21 034 (lim. 89)
    6 djun 2019     ------     21 376 (lim. 90)
   19 may  2020     23 000
 22 octobe 2020     24 000

  1. Pablo, xhaler (22/06/2003 a 21 :29), c’ est l’ orodataedje d’ askepiaedje sol pordjet motî so Wikipedia. (!!! a-z aveuri)
  2. Loukîz vaici et vaila