riloper

Walon (Rifondou)

Cisse pådje ci do Wiccionaire n’ est co k’ ene esbåtche.
Si vos avoz des cnoxhances sol sudjet, vos nos ploz aidî tot rtchôcant des dnêyes so l’ årtike : clitchîz sol boton « candjî » po radjouter des infôrmåcions.

Etimolodjeye 1

Bodje: loper

Viebe

riloper u erloper / rloper 1 (viebe å coplemint)

1. boere u magnî golafmint.
   • Il a rlopé s' vere.
   • Il a rlopé shijh pintes a cou — Motî d’ Nivele (fråze rifondowe).
   • I rlope tot — Émile Gilliard (fråze rifondowe).
   • I sait riloper on vere d' ene trake.
   • Eyou sont les fnås did dinltins, K' on muzéve etot restelant, K' on fjheut l' cok al fén del campagne E rlopant l' bire E tchantant, firs: " Djô ! Djô ! l' fenå est foû; L' fenå est foû; l' fènå est foû, Djô ! Djô ! " ? (D. Spirito)

   rl a: golafer, loper.

   F. bâfrer.

2. boere bråmint, copurade sol conte des ôtes, boere disk' al dierinne gote.
   • Il a rlopé sol conte do novea mayeur — Motî d’ Nivele (fråze rifondowe).
   • El Djan aveut l' air di esse la come tchapron; i rlopéve tot çou k' on lyi payive; fåt dire k' il aveut divnou imbatåbe come boeveu — José Schoovaerts (fråze rifondowe).
   • So vosse blouze tote yôrdeye, on voet ene blefe di cafè, témint vos nd avoz ddja rlopé — Christian Thonet (fråze rifondowe).
   • Dji ni rloprè pus tant d' cråssès pintes; Ene on côp, ça, ç' n' est nén ene minte — André Gauditiaubois, tchanté pa W. Dunker (fråze rifondowe).

Parintaedje

rilopåd, rilopeu

Mots d’ aplacaedje

• rilope-tot

Sipårdaedje do mot

Coinrece Coûtchant walon.

Ortografeyes

Après 1900, foû rfondou (Feller, Feller ricandjî, nén Feller) :

• riloper : C54
• èrlouper / rlouper : O4

E rfondou walon :

• riloper u erloper / rloper : R10 ^(lére)

Li mot n’ est nén dins : C8, R13

Etimolodjeye 2

sitindaedje do sinse di erloper 1, come dins "avaler d' l' ovraedje).

Viebe

riloper u erloper / rloper 2 (viebe å coplemint)

1. fé (bråmint d' ovraedje).
   • I ndè rlope, del bezogne, so on djoû (J. Coppens).

   F. abattre, avaler (de l'ouvrage).

Sipårdaedje do mot

Coinrece Coûtchant walon.

Etimolodjeye 3

Viebe

riloper u erloper / rloper 3 (viebe å coplemint)

1. diner (on côp d' pougn).
   • I lyi a rlopé on côp d' pougn — Joseph Coppens (fråze rifondowe).

   F. asséner.

2. bouxhî so (ene sakî).
   • Il a rlopé l' gamén.
   • Ès pere l' a rlopé pask' il aveut må fwait — Motî d’ Nivele (fråze rifondowe).

   F. rosser.

Sipårdaedje do mot

Coinrece Nivele, El Lovire.