mixhmaxh

Walon (Rifondou)

Dobès rfondowes

mixhmaxh

mixh-maxh

Li rfondaedje di ç’ mot cial est co so balance. Fåt i scrire « mixhmaxh » u « mixhe-maxhe » ?

Sustantif

mixhmaxh omrin

1. drole di maxhaedje.
   • Cwè est ç' ça, po on mixhmaxh ? — Motî Alphonse Massaux (fråze rifondowe).
2. sitouwåcion k' on n' s' î rtrouve pus.
   • I n a on mixhmaxh laddins a n' nén s' î comprinde. — Motî Alphonse Massaux (fråze rifondowe).
   • I m' dit d' els aler cweri mins cwand dj' î va, on n' mi les vout nén dner : cwè çki c' est d' ça po on mixhmaxh ? — Motî Alphonse Massaux (fråze rifondowe et rarindjeye).
   • Ké mixhmaxh e Toû d' France avou les afwaires di dopigne !
   • Oyi, dji comprind; mins c’ est todi on fameus mixhmaxh dins vosse famile. — Lorint Hendschel, scole di walon d' Nameur, 4inme luçon (fråze rifondowe).
3. cåzaedje k' on n' î comprind rén.
   • Les gosteus d' vén m' fijhèt rire avou leus mowes et leus mixhmaxhs avou des mots k' ont stî rcweri ezès catalokes di rclames et ki n' volèt rén dire. — Mariette Chinon (fråze rifondowe).

Parintaedje

• mixhmaxhreye
• maxhî; Loukîz a : « maxhî »

Sinonimeye

drole di maxhaedje

• kimaxhaedje
• maxhisse
• maxhåd
• maxheure

sitouwåcion k' on n' s' î rtrouve pus

• sitouwåcion cou dzeu cou dzo
• calmaxhaedje / talmaxhaedje

Ratournaedjes

drole di maxhaedje

• Francès : mixture ^(fr), mélange ^(fr) (infâme)

sitouwåcion k' on n' s' î rtrouve pus

• Francès : mic-mac ^(fr), imbroglio ^(fr)

cåzaedje a n' î rén comprinde

• Francès : baragoin ^(fr)