cou dzeu cou dzo

Walon (Rifondou)

Etimolodjeye

Shûte des mots : «cou» + «dzeu» + «cou» + «dzo».

Prononçaedje

• AFE :
  • diferins prononçaedjes : /ku‿dzøː‿ku‿dzɔ/ /ku‿dzøʀː‿ku‿dzɔ/ /ky‿dzøː‿ky‿dzɔ/ /ky‿dzøː‿ky‿dzu/
  • prononçaedje zero-cnoxheu : /ku‿dzøː‿ku‿dzɔ/

Advierbire

cou dzeu cou dzo (nén candjåve)

1. d' ene manire foirt disrindjeye.
   • On rén do tot les mete cou dzeu cou dzo — Motî Alphonse Massaux (fråze rifondowe).
   • Totafwait rote cou dzeu cou dzo — Guy Cabay (fråze rifondowe).
   • Les meubes avént arivé cou dzeu cou dzo — Båze di dnêyes di l’ Årdene nonnrece (fråze rifondowe).
   • Cwand il ont distrût li viye aschålance do Rwanda, totafwait a ndalé cou dzeu cou dzo — Båze di dnêyes di l’ Årdene nonnrece (fråze rifondowe).
   • Li pressintumint ki nos csincyive ni tårdja waire a vni rvierser tot l' estalaedje cou dzeur cou dzo. — Joseph Vrindts, « Li pope d'Anvers » (1896), p.14 (fråze rifondowe).
   • Mins ça n' est nén possibe Di esse cou dzeu cou dzo, D' candjî todi d' tchimijhe — Julos Beaucarne (fråze rifondowe).
   • Gn-a l’ timps qu’èst tot cu d’zeû, cu d’zo,
     I djale à l’uch, bolant en d’dins,
     Dimoroz vêla dins l’ culot,
     Dj’ rabroke d’lé vos pwârté pa l’ vint. — Jacques Desmet.
   • Li moenneu d' l' acawêye di scleyons n' aveut seu prinde li tournant å dzo del rowe do Mont; il avént foncé dins l' ouxh d' ene måjhone, et fote li tåve et les tcheyires cou dzeu cou dzo — Émile Pècheur (fråze rifondowe).

Sinonimeye

• (fizicmint) : a l' evier, li cou å hôt / li cou e hôt, pî po tiesse
• (morålcmint) : dins tos ses estats

Mots vijhéns

• (plaece k' est insi) : cafarnayom, mixhe-maxhe, assonre, cråmignon, araedje, pé k' amon Laca, pé k' amon Librixh
• (mete insi, fizicmint) : calmaxhî, catouyî, assonrer
• (mete insi, morålcmint) : dizôrner, discatibuler

Rilomêye do mot

Li mot dins on tite di live, di gazete, di soce, di marke

• Cou dzeu cou dzo (cu d'zeû cu d'zos) : gazete e walon po ls efants eplaideye pa w:Chantal Denis
• Cou dzeu cou dzo : Cou d'zeûr, cou d'zos : Comedeye da Yvonne et Emile Stiernet d'après Blaise de Claude Magnier.

Ortografeyes

Après 1900, foû rfondou (Feller, Feller ricandjî, nén Feller) :

• cu d'zeû cu d'zos : C99 a "cu"
• cu dzeû cu dzos : S0 a "cu"
• cou d'zeûr, cou d'zos : E1 a "cou"
• cu d'zeûr cu d'zou : O4 a "cu"
• kë d'zeû kë d'zos : C65 a "kë"
• cu dzeû cu dzou : S117 a "cu"

Ôtès ortografeyes (avou des sourdants nén rkinoxhous) :

• cu d'zeûs, cu d'zos : SpC5

Li mot n’ est nén dins :

Ratournaedjes

d' ene manire foirt disrindjeye, fizicmint

• Arabe marokin : مخربق ^(ary) = مْخرْبق =‎ mkherbeq
• Inglès : upside down ^(en)
• Francès : sens dessus dessous ^(fr), en mésintelligence ^(fr), en dépit du bon sens ^(fr)

d' ene manire foirt disrindjeye, morålmint

• Arabe marokin : مخربق ^(ary) = مْخرْبق =‎ mkherbeq
• Inglès : upside down ^(en)
• Francès : en désaccord ^(fr)

Addjectivire

cou dzeu cou dzo omrin et femrin (nén candjåve)

1. disrindjî pår.
   • Pupont d' rilidjon, les manaedjes cou dzeu cou dzo : a cwè vôrîz k' les djonnes si ragritchénxhe ? — Båze di dnêyes di l’ Årdene nonnrece (fråze rifondowe).

Ratournaedjes

disrindjî

• Arabe marokin : مخربق ^(ary) = مْخرْبق =‎ mkherbeq
• Inglès : upside down ^(en)
• Francès : sens dessus dessous ^(fr), chamboulé ^(fr), chamboulée ^(fr)