cråmignon

Walon (Rifondou)

Etimolodjeye

Bodje vî francès « cramillon » ‎(« crama »).

Prononçaedje

• AFE :
  • diferins prononçaedjes : /kʀɒː.mɪ.ˈŋɔ̃/ /kʀɔː.mɪ.ˈŋɔ̃/ /kʀɑː.mɪ.ˈŋɔ̃/ /kʀoː.mɪ.ˈŋɔ̃/ /kʀɒː.ˈmjɔ̃/ /kʀɔː.ˈmjɔ̃/ /kʀɑː.ˈmjɔ̃/ /kʀoː.ˈmjɔ̃/
  • (pa rfrancijhaedje) /kʁa.mi.ˈŋɔ̃/
  • prononçaedje zero-cnoxheu : /kʀɔː.mi.ˈŋɔ̃/
• Ricepeures : crå·mi·gnon

Sôre di tchanson (sins 2)

Sustantif

singulî	pluriyal
cråmignon	cråmignons

cråmignon omrin

1. (Istwere), (e l’ eglijhe catolike) sôre di danse ki les djins si tnèt pal mwins sol tins des fiesses del pårotche.
   • K' il est nozé ! K' il est frisse ! K' i m' ahåye !
     Hozlé d' vôvales, d' årdispene et d' clawson ;
     Pol gåyoter ni dirîz vs nén k' ses håyes
     Ont l' air do fé des floris cråmignons — Louis Lagauche, "L' inmant", Li tchanson del Mouze, (1947), p. 108 (fråze rifondowe).
   • Ossu cwand les escos, come l’ andje di måle aweure,
     Lyi ravoyît co ene feye ses flibotes, ses tchansons,
     I rovia tot: viyaedje, parints, tchamps, biesses et keure
     Et recora viè ls ôtes po rvey leus cråmignons — Louis Lagauche (fråze rifondowe).
2. (muzike) sôre di court respleu di deus ou cwate royes.
   • Les ouys plins d’ låmes, po m’ ragrawyî ene miyete,
     Dj’ a rgosté L’ Pan dè Bon Diu, da Simon ;
     Da Doné Sålme, dj’ a rsawouré Pitchète ;
     Da Defrêcheux, dj’a rlî les cråmignons— Émile Wiket, Fruzions d' cour, p.174.
3. (imådjreçmint), (belès-letes) tolminme sôre di tchant.
   • Sins fé nole foice, leyîz vs emoenner e cråmignon des oujheas ; seroz-st ebouxhtés do bouket d’ leus tchants : fåbites, tcherdins, mazindjes, sizets, lignroûs, måvis, ålouwètes et toûtrales, vis front-st etinde li pus bea des operås, ki n’ finixhrè k’ al vesprêye, so les bassès notes do coucou, et l’ glawzinaedje, sins parey, do djinti råskignoû — Léon Bukens (fråze rifondowe).

Ratourneures

1. danser l’ cråmignon.
   • Ene trûlêye di blankès flotches dansèt l’ cråmignon— Albert Maquet (fråze rifondowe).
2. moenner l’ cråmignon

Parintaedje

• cråmignoner
• cråmignonaedje
• cråmignoneu

Ortografeyes

Divant 1900 :

• krâmion : E203 ^(lére)
• crâmignon : E177
• krâmignon : E203 ^(lére)
• crâmion : E89 ^(lére), E177
• craûmignon : E177

Après 1900, foû rfondou (Feller, Feller ricandjî, nén Feller) :

• cråmignon : E1

E rfondou walon :

• cråmignon : R10 ^(lére), R13

Sipårdaedje do mot

w. do Levant

Ratournaedjes

sôre di danse ki les djins si tnèt pal mwins sol tins des fiesses del pårotche

• Francès : cramignon ^(fr) (Beldjike) sorte de farandole dansée lors de fêtes paroissiales (nén ratournåve direk e francès)

sôre di court respleu di deus ou cwate royes

• Francès : cramignon ^(fr) (Beldjike) sorte de court refrain de deux ou quatre vers (nén ratournåve direk e francès)

tolminme sôre di tchant

• Francès : chant ^(fr), cantique ^(fr) mélodie ^(fr)

Waitîz eto

Lijhoz l’ årtike cråmignon so Wikipedia