promesse

Walon (Rifondou)

Etimolodjeye

Tayon-bodje latén « promissio » (minme sinse), calcaedje do francès « promesse ».

Prononçaedje

• AFE :
  • diferins prononçaedjes : /pʀɔ.mɛs/
  • prononçaedje zero-cnoxheu : /pʀɔ.mɛs/
• Ricepeures : pro·messe

Sustantif

singulî	pluriyal
promesse	promesses

promesse femrin

1. sacwè k' on-z acertene k' on frè pus tård.
   • Ele creya les fåssès promesses,
     Ki s’ beabea lyi fjheut tot l’ tchouftant,
     Po lyi haper l’ fleur di s’ djonnesse. — Joseph Vrindts, Pâhûles rîmês, (1897), «Li bouw’resse», p.99 (fråze rifondowe).
   • Li promèsse qui Biètrand v’név dè fer å comte di Roanes, l’aveût blèssî à mwért, à tél’pont qui s’divév rat’ni åx coh’s po n’nin d’fali so l’vôye. — Joseph Mignolet, Li payîs dès sotês, (1926), p.41.
   • Tos les cis k' blåmèt on priyesse
     D' aveur fwait l' siermint ou l' promesse
     Di n' nén nure ås republikins,
     N' ont djamåy savou leu latén — Marian de Saint-Antoine (fråze rifondowe).
   • Cwand c' est k' i rtuze a tot çoula, André fwait ene peneuse mene; i n' est nén fir di lu. C' est ki, vaila, tot l' monde a stî å corant d' ses fåssès promesses: des près-parints disk' ås vijhéns — Jean-Pierre Dumont (fråze rifondowe).

Ratourneures

1. promesse di mariaedje
   • Fåt esse sûti, savoz båshele, po trover les responses a çoula, dismetant k' les promesses di mariaedje ça n' dimande nol ovraedje do cervea … on n' a do raeze a fé la k' a tos simpes d' esprit. — Jean Lejeune, Po marier Lèyontine, 1928, ake I, sinne II, p.5 (fråze rifondowe).
2. tini s’ promesse.
   • TCHÅRLUMAGNE. - Ebén, monsieu l' magnetizeu, vis sovnoz vs di çou k' dji vs a dit ?
     BIETMÉ. - Awè, awè, dji vs doe ene beye.
     TCHÅRLUMAGNE. - Et vos m' l' alez rinde, ca Djenvire m' a dit ki vs m' avîz fwait mete a ses djnos ; ki vs m' avoz fwait djurer del maryî. Ebén ! Dji tén l' promesse ki vos m' avoz fwait fé. — Joseph Vrindts, Li diale di so l'fontaine, 1889, sinne XV, p.38 (fråze rifondowe).
   • Li diåle esteut binåjhe d' el vey emayî et tot poenneus pask' i n' åreut seu tni promesse — Paul Siméon (fråze rifondowe).

Ortografeyes

Après 1900, foû rfondou (Feller, Feller ricandjî, nén Feller) :

• promèsse : E1

Ôtès ortografeyes (avou des sourdants nén rkinoxhous) :

• promesse : R12

Ratournaedjes

promesse

• Francès : promesse ^(fr)