racatoirtcheye

Walon (Rifondou)

Li rfondaedje di ç’ mot cial est co so balance. Fåt i scrire « racatoirtcheye » u « racatoirteye » ?

Etimolodjeye

Do viebe «toirtchî», avou l’ dobe betchete « raca- » ey avou l’ cawete « -eye ».

Pårticipe erirece

	singulî	pluriyal
omrin	racatoirtchî	racatoirtchîs
femrin	racatoirtcheye	racatoirtcheyes

racatoirtcheye femrin

1. femrin pårticipe erirece (fok dins ene fråze al vwès passive), do viebe : « racatoirtchî ».

Sustantif

singulî	pluriyal
racatoirtcheye	racatoirtcheyes

racatoirtcheye femrin

1. dobleure (volêye di côps).
   • Vos avoz co l' sovnance do flaxheu d' Gamecock; li ci k' a fotou des racatoirtcheyes a tos les cis k' el vlént disfiyî — Jean-Luc Fauconnier (fråze rifondowe).
2. côp sol vizaedje avou l' mwin.
   • Pôve gamén ! il a yeu s' gåtche oraye k' a chîlé sacwants djoûs d' astok a cåze del racatoirtcheye k' ele lyi aveut rtourné sins crankyî — Jean-Luc Fauconnier, Ène coupe di deûs (fråze rifondowe).

Sinonimeye

• (volêye di côps): Loukîz a : Motyince:volêye di côps/walon
• (côp sol vizaedje avou l' mwin): bafe, tchofe, berlafe; Loukîz a : « berlafe »

Ratournaedjes

volêye di côps Loukîz a : Motyince:volêye di côps/walon

• Francès : correction ^(fr)

côp sol vizaedje avou l' mwin Loukîz a : berlafe

• Francès : gifle ^(fr)