si mostrer

Loukîz a : «mostrer»

Walon (Rifondou)

Viebe

si mostrer (viebe å prono muroetrece)

esse, si håyner.
- Tant k’ Lidje indepindante
  Si mostra triyonfante
  Inte ses pouxhants vijhéns,
  Li Côpareye tote fire
  Eleva disk’ å cir
  Les sons di s’ contintmint. — C.N. Simonon, Powezeyes e patwès d’ Lidje, (1846) (fråze rifondowe).
- Asteure, messieus, dji vs fwai cial ene priyire,
  Po mes coplets, ni vs mostrez nén metchants ;
  Ca vos l' savoz, dji n' a nén l' agrès do scrire. — Toussaint Brahy, Toussaint Brahy, œuvres wallonnes posthumes, Hip, hip, hourra !!! …, 1887, p.5 (fråze rifondowe).
- Dji tchante pol fidele camaeråde
  Di ki dji n' voerè måy les traits,
  Et ki m' fwait trop grand dins l' airåde,
  Di ses sondjes, et s' mostere etait
  La k' dj' a metou dvins mes scrijhaedjes
  Les mots ki pondèt mes tourmints. — Martin Lejeune, Bultén del Societé d' Lidje, "Por zèls !", tome 44, p. 409 (fråze rifondowe).
- Si l' tchårité s' mostere ingråte,
  I fåt k' on pleure a s' difiner. — Jean Bury, Joyeux rèspleus, (1899), "Les p’tits mâlhureux" (fråze rifondowe et rarindjeye).
- Bon Diu, don, vs estoz bén haeyåve,
  Vos n' acontez rén d' çou k' dji vs di,
  Ca vos vs mostrez vormint contråve
  A tos mes dzirs, tot vs schouwant d' mi. — Jean Dessard, D'ine cohe so l'aute, 1939, p.118, Li brave Nanète (1910) (fråze rifondowe).
- Fjhoz m’ on plaijhi : mostrez vs moens straegne,
  Aha,
  Mes berbis s’ schôpièt…
  C’ est vola ene prouve ele ont des megnes ! — Louis Lagauche, Li p'tit hièrdî, Tchant I, Hanèsse èt Magrite (fråze rifondowe).
si prezinter.
- Sins nole astådje, nos aléns so Paris,
  Dj' åreu volou dire dièwåde a Lizbet,
  K' ele ratindaxhe, k' ele ni dveut nén si presser ;
  Mins po m' mostrer dji n' esteu nén schayete ;
  C' e-st on måleur k' on pantalon trawé. — Charles Duvivier de Streel, "Li pantalon trawé" (1849) (fråze rifondowe).
parexhe.
- Ene esblawtante blankixheur, ki les åbes si mostrèt foncés dssus, rafûle tot l’ payis — Henri Simon, Li pan dè bon Diu, (1907) (fråze rifondowe).
- Djan va drovi l’ ouxh Djanete si mostere, blanke come ene essevleye, el nivaye ki tome. — Joseph Mignolet, « Li Vwè dè Clokî, 1926, p.27 (fråze rifondowe).
aparexhe.
- Avå l’ clairté d’ inte les coxhetes,
  On clokî d’ tchapele s’ mostra— Louis Lagauche, Li p'tit hièrdî, Tchant II, L’ èvolêye (fråze rifondowe).
adji foirt po rclamer ene sacwè.
- Evoye, alez, hop, djonnes et vîs ;
  Tapez djus, mostrez vs, les colosses ;
  Fjhoz greve !… Ni vs leyî pus å drî ;
  Riclamez, s' on vs prind po des mosses ; — Jean Dessard, D'ine cohe so l'aute, 1939, p.78, Lès dj’vås dè fond (1938) (fråze rifondowe).