si taper

1. kimincî a fé ene sacwè.
   • MATROGNÅRD. Awè, djel vou bén dire : dji n' mi tape måy a boere
     Ki dvins deus ocåzions.
     TÅTÎ. - C' est po rire ? Est ç' a croere ?
     MATROGNÅRD. - Dabôrd, cwand dj' a del poenne, dji boe : dji boe … d' tchagrin ;
     Adon, cwand dj' end a nén, dji boe … di contintmint. — Édouard Remouchamps, Tåtî l’ Pèriquî, 1884, Ake I, Sinne IX, v. 165-168 (fråze rifondowe).
   • Di cwè ? Mi ? Roed sot d’ Meliye ? (i s’ tape a rire). Vo-ndè-cial aprume ene ! — Henri Simon, «Janète» divins «Quatre comédies liégeoises» da Jean Haust (1936), 1911, p.108 (fråze rifondowe).
2. si mete.
   • Dji m' tape wice ki dj' pou ;
     Sol soû, sol tape-cou ;
     Cwand dji so ståré,
     Dji doime ossu bén k' e m' biedjreye,
     Sovint les pompîs
     Mi vnèt ramasser ; — François Barillié, Li camarad′ dè l'joie, 1852, Li Sans-çouci Lîgeois ou l’Krenkinî d’Lîge, p.105 (fråze rifondowe).
3. (v. å coplemint nén direk eployî avou li dvancete « so ») si leyî djus ene sawice.
   • Li mame, on n’ voet ki l’ betchete di s’ narene ; et l’ pere, cwand i rintere, a-st avou télmint froed k’ il a beu ceke et toneas et k’ i s’ tape tot moussî so s’ payasse, les mwins dvins ses potches, disk’ å dzeur des bresses. — Arthur Xhignesse, Boule-di-Gôme, 1912, p.8 (fråze rifondowe).