tarlater

Walon (Rifondou)

Etimolodjeye

Do viebe « later » avou l’ dobe betchete « tar- » des viebes çou ki dene on mot avou l’ cawete di codjowaedje « -er » des viebes; li prumî sinse est « bouxhî avou ene late »; li sinse di tchantaedje vént pa assaetchance do mot-brut « taratata ».

Prononçaedje

AFE :
- prononçaedje zero-cnoxheu : /taʀ.la.ˈte/ (minme prononçaedje pattavå)
Ricepeures : tar·la·ter

Viebe

Djin et tins	Codjowa
Cåzant Ind. pr. (dji, dj’)	tarlate
Atôtchî(s) Ind. pr. (vos, vs)	tarlatez
Cåzants Ind. pr. (nos, ns)	tarlatans
Rwaitants Ind. pr., nam. (i/il, ele/elle)	tarlatnut
Cåzant Ind. fut. (dji, dj’)	tarlatrè
Cåzant D.I.E. (dji, dj’)	tarlatéve
Cåzant Suddj. pr. (ki dji, dj’)	tarlate
pårt. erirece (dj’ a, vos av)	tarlaté
Ôtes codjowaedjes	come bouter

tarlater

(viebe å coplemint) bouxhî avou ene late u ôte tchoi so (ene sakî, ene biesse)
- Binåjhe, dis dj’, paski l’ ome a dandjî d’ advinteures et do viker d’ on sondje … et nosse sondje, a nozôtes, c’ est l’ ci da l’ Impreur… Fir, dis dj’, paski l’ sôdård di France, li ptit sôdård ki s’ bate tot tarlatant les Rûsses et les Prûssyins, est ricnoxhou po l’ ome li pus vigreus do monde. — Joseph Mignolet, Al bèle fontinne, 1924, p.13 (fråze rifondowe).
(v. sins coplemint) fé tourner l' tarata; po-z anoncî les ofices do tins del samwinne sinte u dins l' tins po les lepreus si fé ricnoxhe.
fé bråmint do derame.
- Nos avans si sovint a rodji tot schoûtant tarlater les efants ki nos n’ trovans rén d’ mî ki d’ les fé taire. — Arthur Xhignesse, « Bwègnes mèssèdjes » (1905), p.6 (fråze rifondowe).
(v. sins coplemint) djåzer bråmint, tchafter.
(v. sins coplemint) tchanter (ene tchanson) sins dire les paroles comifåt.
- Cwand, foû do bouxhon, les moxhetes
  Par meyes si metèt a voler ;
  Cwand l' rozêye so les magriyetes
  Rispåd des pieles, sins les conter ;
  Cwand c' est k' dj' etind tchanter l' fåbite,
  Li råskignoû, l' djoyeus pénson,
  Dji maxhe mi vwès ås cwite po cwite
  Tot tarlatant li resploe d' ene tchanson. — Toussaint Brahy, Toussaint Brahy, œuvres wallonnes posthumes, Tot tarlatant li respleu d'ine chanson, avri 1888, p.13 (fråze rifondowe).
- C’ est å toû del djonnesse, ki l’ egzimpe a dislaxhî :
  Dispoy vola ene hapêye, ele sint ses djambes frumjhî
  Et, sins waister, s’ enonde so l’ air k’ on tarlate. — Henri Simon.
- Come s’ i volént fé ene målignance
  Et disvindjî les bråvès djins,
  Les danseus tarlatèt so l’ air d’ ene tchansonete ; — Jules Claskin, « Jules Claskin : Airs di flûte et autres poèmes wallons », édition critique de Maurice Piron, (1956), « Li maisse dèl djowe », 1924, p.52-53 (fråze rifondowe).