zûner

Walon (Rifondou)

Etimolodjeye

Mot-brut « zû » (brut d’ volaedje d’ èn inseke) avou l’ dobe cawete « -ner » des viebes.

Prononçaedje

AFE :
- diferins prononçaedjes : /zyː.ˈne/ /zyː.ˈnɛ/ /zyː.ˈniː/ /zyː.ˈle/ /ziː.ˈne/
- prononçaedje zero-cnoxheu : /zyː.ˈne/
Ricepeures : zû·ner

Viebe

Djin et tins	Codjowa
Cåzant Ind. pr. (dji, dj’)	zûne
Atôtchî(s) Ind. pr. (vos, vs)	zûnez
Cåzants Ind. pr. (nos, ns)	zûnans
Rwaitants Ind. pr., nam. (i/il, ele/elle)	zûnnut
Cåzant Ind. fut. (dji, dj’)	zûnrè
Cåzant D.I.E. (dji, dj’)	zûnéve
Cåzant Suddj. pr. (ki dji, dj’)	zûne
pårt. erirece (dj’ a, vos av)	zûné
Ôtes codjowaedjes	sipepieus tåvlea

zûner (v. sins coplemint)

fé on gros brut tot volant, tot djåzant d’ on malton (bordon), d’ ene moxhe, d’ ene åbalowe (baloujhe).
- T’ aveus ene moxhe a vier dins l’ tchambe, ki zûnéve come ene baloujhe.
- Li moende brut ki trawreut l’ airaedje,
  Ene moxhe ki zûne avå l’ curaedje
  El fwait fruzi. — Martin Lejeune, “ Œuvres lyriques du poète Martin Lejeune” p.137, « E corti » (fråze rifondowe).
- D' etinde zûner tes coides, dj' esta come tot pierdou;
  . — Joseph Vrindts, « Pâhûles rîmês » (1897), "Li vîx mestré", p.4 (fråze rifondowe).
- Portant, cial al dilongue des bwès, l’ crition fwait ramxhî s’ rahia dvins les bodjêyes di djniesses et d’ brouwires, tot fjhant k’ les moxhes zûnèt so les grandès fleurs des såvadjès panåjhes. — Henri Simon, "Mès cwate moumints" (1907) (fråze rifondowe).
fé on brut, todi l’ minme, come li ci d’ ene moxhe, d’ ene baloujhe, tot djåzant d’ totes sôres.
- On-z advene li ri ki zûne inte les cayweas tot s' winnant dvins les prés et s' cwirt on après l' molén ki fwait clapter s' xhossire— Henri Simon, "Mès cwate moumints" (1907) (fråze rifondowe).
- On-z ôt les fis do telefone ki zûnèt copurade cwand i djale.
- Èn elicoptere ås aiyretes ki zûne come on djonnea d’ moxhetes : c’ est les ovnyins ki sont laddins ! — Lucyin Mahin.
- On bouxhive les tchambes ; dj’ oyeu les fuzêyes ki zûnént tot montant.
xhufler ås orayes, tot djåzant des bales, d’ ene tourpene, d’ on baston k’ on fwait tourniker.
- Gn a ene bale ki m’ a zûné ås orayes ; ti sins bén ki dji nel moennéve nén lådje.
- Les zwers fijhént zûner li tourpene ki ça m’ tapéve so les niers.
- Avâ l’mitray’ qui zûne, et l’gueuye d’acir qui hawe ;
  Li guide, djènâte et rodje, come on cradjolé cok :
  Tos nos vigreus sôdârs, alit flahant di s’tok,
  Dreûts èt firs come des tchînnes âx flahâr des orèdjes
  — Joseph Mignolet, "Les håyes sont rfloreyes", "Wice vass?", 1921, p. 105.
produre on brut, todi l’ minme, d’ ådvins, po ene oraye k’ est malåde ; produre on brut k’ est trop foirt po èn aparey metou a l’ oraye, chîler.
- Gn aveut mes orayes ki m’ zûnént.
- Avou si aparey, cwand on leye toumer on coyî, ça lyi zûne dins ses orayes.
tchanter (ene tchanson) sins waire drovi l’ boke.
- I s’ aléve pormoenner disk’ al tchapele tot zûnant si ptite tchanson.
dire a l’ oraye.
dire tot l’ tins (ene sacwè k’ on n’ ôt nén voltî).
- I zûne ki l’ walon doet dmorer edjalé come les patwincieus l’ ont trové e 1935.
canler (dire do må des ôtes).
- Oyoz zûner l’ åbalowe ? Dandjreus k’ ele casse co do souke so nozôtes.
si måvler, monter, edaiver, eraedjî.
- Leu plaijhi, c’ esteut del fé zûner.

Ratourneures

zûner come des wesses
li fé zûner
t’ åreus oyou zûner les moxhes : les djins s’ taijhént tertos.
djouwer a fé zûner les baloujhes : djeu des efants divant k’ on n’ pretche po n’ nén fé sofri les biesses : il emantchént on fi après les aiyes d’ ene åbalowe, et l’ leyî voler e rond.