gruziner

Loukîz eto : gurziner.

Walon (Rifondou)

Etimolodjeye

Mot-brut « gruz », avou l’ cawete di codjowaedje « -iner » des viebes

Prononçaedje

AFE :
- diferins prononçaedjes : /ɡʀy.zɪ.ˈne/ /ɡʀy.zi.ˈne/
- prononçaedje zero-cnoxheu : /ɡʀy.zi.ˈne/
Ricepeures : gru·zi·ner

Viebe

Djin et tins	Codjowa
Cåzant Ind. pr. (dji, dj’)	gruzene
Atôtchî(s) Ind. pr. (vos, vs)	gruzinez
Cåzants Ind. pr. (nos, ns)	gruzinans
Rwaitants Ind. pr., nam. (i/il, ele/elle)	gruzinnut
Cåzant Ind. fut. (dji, dj’)	gruzinrè
Cåzant D.I.E. (dji, dj’)	gruzinéve
Cåzant Suddj. pr. (ki dji, dj’)	gruzene
pårt. erirece (dj’ a, vos av)	gruziné
Ôtes codjowaedjes	come copiner

gruziner

(viebe å coplemint) (vî mot) magnî doûcetmint.
(viebe å coplemint) (v. sins coplemint) dire tot bas.
- Vinoz dé mi, dji vs gruzinrè ene sacwè.
- A panea, les deus mwins djondowes,
  Sayant d' î mete tote si atincion,
  Li loukeure å cir come pierdowe
  Et l' cour xhiltant, li ptit efant,
  Gruzene måfwaitmint l' priyire
  Ki s' mame lyi gruzene mot pa mot. — Martin Lejeune, Œuvres lyriques du poète wallon Martin Lejeune, p.145, « L’èfant prèye » (fråze rifondowe).
- Li veye ki monte gruzene eyet vént mete ene låme
  Al coine di l' ouy del veye ki dschind
  Eviè l' ripoize des pôvès åmes. — Louis Lagauche (fråze rifondowe).
(viebe å coplemint) tchanter tot doûçmint.
- Gruziner ene tchanson. — Motî Haust (fråze rifondowe).
- A schipe fourit i å tournant del rowe ki l' fén filou si meta-st a gruziner ci vî resploe : — Joseph Vrindts, Li pope d'Anvers, (1896), p.74 (fråze rifondowe).
- S’ on-z a kécfeye ene rabrouxhe, on må d’ tiesse,
  On l’ roveye vite tot gruzinant ene tchanson. — Louis Lagauche, Amon nos autes, tchansons tchusèyes, (1908-1912), «Mi p’tit payîs Walon» p.44 (fråze rifondowe).
- Et cwand l' ovraedje bateut si plin,
  I gruzinéve co ene viye paskeye
  K' i trovéve come acompagnmint
  Li resdondixhaedje des usteyes. — Jean Dessard, D'ine cohe so l'aute, 1939, p.69, Rimimbrance : Noyé l’ sèrwî (1920) (fråze rifondowe).
(viebe å coplemint) tchanter ene sacwè po èn oujhea.
- Cial pus hôt, inte les ronxhes et les rampioûles do trîxhe, li houvêye et l’ roytea gruzinèt leus djoyeus ramtaedjes. — Henri Simon, Li pan dè bon Diu, "Mès cwate moumints" (1907) (fråze rifondowe).
- Des fåbites, des råskignoûs et des goreas-moxhons
  Voltinént, glawzinént, gruzinént des tchansons. — François Nyns (fråze rifondowe).
(v. sins coplemint) tchanter tot djåzant d' èn oujhea.
- Dj' a bon d' oyî gruziner m' linroû. — Motî Forir (fråze rifondowe).
- L' ålouwete gruzene si bén ! — Motî Forir (fråze rifondowe).
- Bénvite, on ôrè gruziner
  Tos les ptits oujheas revolés. — Toussaint Brahy, Toussaint Brahy, œuvres wallonnes posthumes, Bai prétimps, 1887, p.2 (fråze rifondowe).
- Chaque oûhê n’a-t-i nin s’ ramadje ?
  Hoûtez-le, gruziner d’vins l’ bouhon !
  P’on ovrî, n' sèreût-ce nin damadje
  Du n’ saveur règuêyer s’ manhon? — Martin Lejeune, On såye sès éles, 1895.
- A l' eure ki l' ålouwete
  Kimince a gruziner,
  Schoûtez ! — Jean Dessard, D'ine cohe so l'aute, 1939, p.34 L'awous′ (1906) (fråze rifondowe).