ki

Walon (Rifondou)

Alofômes

Plinne cogne	Spotcheye cogne
ki	k’

Etimolodjeye 1

Tayon-bodje latén « quia » (minme sinse); mot cité dins l’ FEW 2 1466a.

Prononçaedje

• AFE :
  • diferins prononçaedjes : /ki/ /kɪ/ /ky/ /kɛ/ /kœ/, miersipepieuzmint e l’ notule ALW 2.69 .
  • prononçaedje zero-cnoxheu : /ki/
• Ricepeures : nén rcepåve

Aloyrece

ki (nén candjåve)

1. aloye ene fråzlete (å suddjonctif ou å condicioneu) a on viebe.
   • I fåt ki t' vegnes docô.
   • Dji vôreu k' i ploureut.
2. (pus stroetmint) al kimince d' ene fråze po-z adrovi ene esclameure.
   • K’ estoz vs ureuse, nûlêye,
     Ki l’ vént poite evoye el grande sitårêye. — Jules Claskin, « Jules Claskin : Airs di flûte et autres poèmes wallons », édition critique de Maurice Piron, (1956), « D’zîr », 1924, p.46 (fråze rifondowe).
3. après "ni", "ni…pus" "trop".
   • Ci n' est k' mi, ô.
   • On n' ramasséve ki des côps d' baston.
   • Il est trop fåde ki po travayî — Motî do Coûtchant walon (fråze rifondowe).
   • Ah ! Hoûtez, ç' n' èst nin djusse : ovrer, lanwi, mori !
     Et po mète lès restants dè ci qui v's-a noûri,
     N'aveûr qu'on flåwe wahê, n'aveûr qui dès clicotes !... — Joseph Vrindts, Pâhûles rîmês, (1897), "A l'pwète dès incurâbes" (avri 1878), p.55.
4. rastrind li nombe k' on vént d' dire.
   • Il î vnît tertos, di dj', å radjoû, ki troes.
   • Il avént atchevé leu dorêye tertos, ki l' Lucyin.
5. el tiesse di fråze, rastrind li djhêye del fråze di dvant.
   • Il estént tertos binåjhes del tchuze; ki : li Nesse aveut ene pitite air di deus airs.
6. (kécfeye après un coplemint di tins), dismetant ki.
   • Pèrsone nèl poreût dire, ca, si lon qu’on s’ rapinse,
     lès tåyes ènn’ont djåsé come d’ine vîle kinohance
     qui leûs péres ont vèyou qu’i n’èstît qu’ dès-èfants. — Henri Simon, Li mwért di l'åbe.
   • On djoû ki dj' doirméve, ene sakî mi dispierta
   • Li cisse k' inspira l' boigne messaedje
     Sorlomé "Li ctapé manaedje"
     Ki dj' a scrît po m' amuzer
     Les djoûs ki l' tins esteut fayé. — Henri Forir, Blouwett lîgeoiss, L' awoureus manaedje (fråze rifondowe).
   • Ns esténs e l' cåve tos les deus
     Ki nos rcweréns l' fouwêye,
     Vocial li vî tot houpieus,
     Ki n' è poleut pus hay,
     Ki vént dire : « Botresse,
     I fåt k' dji vs rabresse. » — François Barillié, Li botresse, divins Li camarad′ dè l'joie, 1852, p.29 (fråze rifondowe).
   • Li drole di convwè arive a Lidje ki l' nute tome — Paul-Henri Thomsin, Li diâle è cwér : Ine avinteûre di Bakelandt l'èspiyon di Napolèyon à Lîdje, 2009, p. 41 (fråze rifondowe).}
7. (sovint après on viebe å cmandeu) afîsse ki.
   • Vén cial å pus abeye
     Ki dji poye dire po ç' côp la,
     Ki vo-m'-la, po ene boune feye, a...
     ...hesseye. — François Barillié, Li camarad′ dè l'joie, 1852, Li noû ramon sins quowe, p.37 (fråze rifondowe).
   • Såcîz l' djigot savoz Bertene ki n' hatixhe !... — Joseph Mignolet, Li vôye qui monte, (1933), p.3 (fråze rifondowe).
8. té ki, si tant ki.
   • L' an cwarante-nouv, dji vzel djeure,
     C' est k' dj' endè dveu nén ndaler,
     Ca dj' a houmé des odeurs …
     Ki dj' fouri pus d' on côp påmé. — François Barillié, Li camarad′ dè l'joie, 1852, Li hoveu d’veie, p.56 (fråze rifondowe).
9. puski.
   • BABILÔNE (tot s' ashiant po s' fé bårbî). - Mins, Tåtî, djhoz m' on pô : est ele malåde, vosse sour,
     K' on nel voet nén ?
     TÅTÎ (tot lyi metant l' drap). - Neni ; elle est evoye, sins rprotche,
     Dire sacwantès påters a l' eglijhe del pårotche.
     On saetche l' epront d' Brussele, edon, ouy å matén. — Édouard Remouchamps, Tåtî l’ Pèriquî, 1884, Ake I, Sinne V, v. 88-91 (fråze rifondowe).
10. (rålmint eployî) la ki.
    • Et cwand dji louke vos belès croles
      Wice ki m' cour si va rpoizer,
      Dji vôreu t esse li moxhe ki vole
      E li ptite tchambe ki vos doirmoz. — Jean Dessard, D'ine cohe so l'aute, 1939, p.90, Ombåde di may (1928) (fråze rifondowe).

Sinonimeye

• (rastrind li nombe d' ene dijhêye) : såf, apus ki, åré.

Ratourneures

1. ça fwait ki, et c' est ki
2. kî ki ç' soeye

Mots d’ aplacaedje

• paski, puski, poy ki, après ki, divant ki, dabôrd ki, adon ki, tins ki, sol tins ki …
• taiss ki, metans ki
• k' i gn a
• çki

Ortografeyes

Divant 1900 :

• kè : E203 p. 192 ^(lére)
• ku : E203 p. 192 ^(lére)
• ke̊ : E203 p. 192 ^(lére)
• ki : E203 p. 192 ^(lére)
• cu : E212 (replaidaedje) ^(lére)

Après 1900, foû rfondou (Feller, Feller ricandjî, nén Feller) :

• què : O0
• qui : E1 a "ki", E170, C1, C99
• ku : S0
• quu : S17, PGMa
• quë : LSov
• kè : E200
• ki : E1, C9
• ke̊ : C18

E rfondou walon :

• ki : R13

Li mot n’ est nén dins : C13, C62, O3, O81, O100

Ratournaedjes

aloye ene fråzlete a on viebe

• Inglès : that ^(en)
• Espagnol : que ^(es)
• Francès : que ^(fr)
• Neyerlandès : dat ^(nl)

rastrind li nombe d' ene dijhêye

• Arabe marokin : men ghir =‎ من غير
• Inglès : except ^(en)
• Francès : sauf que ^(fr), si ce n'est que ^(fr), à part que ^(fr)

Prono di dmande

ki

1. dimande ene sacwè come response.
   • Ki vouss ?
2. dins ene fråze di sclameure.
   • Ki n' so dj' nén e s' plaece ! — Motî d’ Bastogne (fråze rifondowe).
3. douvént ki, pocwè.
   • K’ avans ns mezåjhe di leye ? — Henri Simon, « Janète » 1911, (eplaidaedje da Jean Haust di 1936), p.132 (fråze rifondowe).
   • Ki n' t' avinces-tu nén po vni haper ci diåle ki nos a ruwinés? — Jhau, Quatre dialogues de paysans (1631-1636) (fråze rifondowe).
   • Mins, k' avoz-vs l' air ewarêye? — Édouard Remouchamps, Bultén del Societé d' Lidje, Bulletin de 1858, «w:Li savtî», 77-143 (fråze rifondowe).
   • Ele vis anoye ene eure avou ses boignes messaedjes;
     K' a dju mezåjhe di cnoxhe ses afwaires di manaedje?— André Delchef, Bultén del Societé d' Lidje, Bulletin de 1858, «Li galant de l'siervante», p.6 (fråze rifondowe).
   • A, boune grand-mere, ki n' estoz vs co dlé mi ! — Louis Lagauche, Amon nos autes, tchansons tchusèyes, (1908-1912), «Mi grand-mére» p.71 (fråze rifondowe).
   • K' ass dandjî di tant scrire? — Joseph Mignolet (fråze rifondowe).

Sinonimeye

cwè

Rilomêye do mot

• "Kivlov" (Quevlov) persounaedje da Guillaume Appolinaire, edvinté cwand il esteut a Ståvleu a pårti d' onk ki djheut "Ki vloz vs ?" (dandjreus prononcî kè vloz vs).

Ratournaedjes

dimande ene sacwè come response Loukîz a : cwè

• Arabe : ماذا ^(ar) =‎ madha
• Arabe marokin : اش ^(ary) =‎ ach
• Inglès : what ^(en)
• Espagnol : que ^(es)
• Francès : que ^(fr)
• Neyerlandès : wat ^(nl)
• Kimon amazir marokin : ⵎⴰ ^(zgh) =‎ ma

Etimolodjeye 2

Tayon-bodje latén « qui » (minme sinse)

Prononçaedje

• AFE :
  • prononçaedje zero-cnoxheu : /ki/ (minme prononçaedje pattavå)

Prono rahoucrece

ki omrin et femrin

1. rahouke li no u l' prono di dvant, tot edåmant li fråzlete rahoucrece.
   • Li tracteur ki vs av ratchté a Biernåd, i n' våt nén tripete.
   • C' est lu ki va vni vey.
   • C' est leye k' apoite di l' aiwe.
2. ossu avou li rôle di coplemint direk.
   • K’ estoz vs ureuze, nûlêye,
     Ki l’ vént poite evoye el grande sitårêye. — Jules Claskin, « Jules Claskin : Airs di flûte et autres poèmes wallons », édition critique de Maurice Piron, (1956), « D’zîr », 1924, p.46 (fråze rifondowe).
3. ossu avou l' rôle di coplemint do no avou l' prezintoe d' apårtinance.
   • Grand-mere, ki c' est s' Bon Diu, k' a tchatch del riloukî.
     Rassaetche li blanke gordene, sorixh, pwis s' apostêye. — Martin Lejeune, “ Œuvres lyriques du poète Martin Lejeune” p.146, « Bébé nâhî » (fråze rifondowe).
   • K’ aveut i seu don, l’ vî bribeu, k’ shuveut les håyes
     Et k’ rotéve et rotéve todi-måy
     E plin solo,
     So des levêyes ki leu blanc rglatixhaedje
     Aveut broûlé ses djnos
     Et kischoircî s’ vizaedje ! — Jules Claskin, « Jules Claskin : Airs di flûte et autres poèmes wallons », édition critique de Maurice Piron, (1956), « Bribeû d’amoûr », 1925, p.55-56 (fråze rifondowe).
4. ossu avou l' rôle di coplemint nén direk.
   • Totes les samwinnes, shijh ou set feyes,
     Divant ki l' gåz ni soeye espris,
     Dji va trover mi ptite djonne feye :
     C' est l' eure k' ele mi ratind todi. — Henri Forir, Blouwett lîgeoiss, On to p'ti filozof, 1843, p.26 (fråze rifondowe).
   • Et cwand l' ovraedje bateut si plin,
     I gruzinéve co ene viye paskeye
     K' i trovéve come acompagnmint
     Li resdondixhaedje des usteyes. — Jean Dessard, D'ine cohe so l'aute, 1939, p.69, Rimimbrance : Noyé l’ sèrwî (1920) (fråze rifondowe).
5. (vî mot), (belès-letes) (dins les spots et les fråzes di verité) raloye ene fråze dinant li cwålité d' ene sakî avou ene fråzlete l' idintifiant.
   • C' e-st e m' barake
     K' on voet si dj' blague !
     Djans k' on-z intere
     Les cis k' sont-st amateurs. — François Barillié, Li camarad′ dè l'joie, 1852, Li pus bell’ baraqu’ di so l’fôre, p.61 (fråze rifondowe).
   • Il est todi so tchamps so voyes,
     Ki vijhnêye emon les crustins,
     I dmande cial, i stitche la, contint,
     Do dner çou k’ on lyi dene evoye.
6. (eployî al kimince d' ene fråze après on prono tonike) adrouve ene fråzlete ki mostere k' on s' marixh.
   • Mi ki pinséve l' efiler
     Tot come on coron d' soye,
     Mins a poenne s' elle esteut dvins,
     Ki vla k' ele fwait on mouvmint ;
     Ele ploye. — François Barillié, Li camarad′ dè l'joie, 1852, Li noû ramon sins quowe, p.37-38 (fråze rifondowe).

Ratournaedjes

ki

• Arabe : al-latî =‎ التي ^(ar) = الَّتي ^(ar) femrin; al-ladhî =‎ الذي ^(ar) = الَّذي ^(ar) omrin
• Arabe marokin : li =‎ لي
• Almand : das ^(de)
• Inglès : that ^(en), which ^(en), who ^(en)
• Espagnol : que ^(es)
• Francès : qui ^(fr)
• Neyerlandès : dat ^(nl), die ^(nl)

ki

• Francès : (dans les proverbes et phrases de vérité générale) relie une phrase donnant la qualité d'un individu avec une autre l'identifiant (voir: "Honni soit qui mal y pense")

Pwaire minimom

• kî (prono di dmande)