vormint

Walon (Rifondou)

Etimolodjeye

Bodje « vor- » (d' on bodje vî francès « voire », lu-minme do tayon-bodje latén « vera », vraiy), avou l’ cawete « -mint »; adon racuzinåve avou vî francès « voirement ».

Adviebe

1. mostere ki c' est bén l' veur.
   • Vos côps d’ ouy al finiesse, vos buskets, vos « mamjhele » par ci, vos « mamjhele » par la, vos djåzaedjes so l’ ouxh …, vos pins; voremint [E1]; vor'mint [E1]ez vormint k’ i n’ comprind rén ? — Henri Simon, « Li bleû-bîhe » 1886, (eplaidaedje da Jean Haust e 1936), p.15 (fråze rifondowe).
   • K' a dj' vinou fé, Bon Diu,
     Vaici sol tere ?
     K' î pout on fé,
     Vormint ki d' s' aflidjî ? — Chales Werotte (fråze rifondowe).
   • Awè, vormint, dji m' è rsovén. — Motî Haust (fråze rifondowe).
2. rafoircixh ene repeticion.
   • Et d’ ene hope, i roufla dvins les brouxhisses come on djvå disbridlé
     — Colowe d’ infier!… breya Bietrand, tot l’ mançant d’ on pougn. Colowe d’ infier vormint ! — Joseph Mignolet, Li payis des soteas (1926), p.51 (fråze rifondowe).
   • Dj' el metrè a l' ouxh cwand i vénrè. Oyi, vormint, k' dj' el frè ! — Motî Pirsoul (fråze rifondowe).
3. rafoircixh ene siclameure.
   • Ebén, vormint, vo ndè la co ene a mete sol gazete ! — Motî Gilliard (fråze rifondowe).
   • Vos, biesses, vormint, ki vs estoz ! — Motî Haust (fråze rifondowe).
   • Bén, vormint, vos ndè fjhoz pont d' ôte ! — Motî Gilliard (fråze rifondowe).
4. rafoircixh ene dimande, èn acertinaedje.
   • Saiss bén k' ti m' peles li vinte avou tos tes misteres: « on m' a dit… » « dji n' sai nén… » ? Di çki t' as a dire, vormint ! — Charles Camberlin (fråze rifondowe).
   • Vormint, avoz vs co shijhlé lontins ir ? — Franwal Haust, a « propos » (fråze rifondowe).
5. mostere k' on a rovyî ene sacwè dins l' cåzaedje.
   • Et vosse pa, vormint, ça lyi va ? — Franwal d’ après Nameur, a « fait » (fråze rifondowe).

Sinonimeye

• (po do bon): vraiymint, podbon
• (rafoircixhant on repetaedje): avou, ça
• (rafoircit ene esclameure): diåle evole, diåle m’ evole, diåle m’ ancate

Ortografeyes

Après 1900, foû rfondou (Feller, Feller ricandjî, nén Feller) :

• vor’mint : E1 ^(lére)
• vormint : C1, C8, C9, C106, E34, E170
• voremint : E1 ^(lére)
• veûremint : E170

E rfondou walon :

• vormint : R10 ^(lére), R13

Ratournaedjes

mostere ki c' est l' vraiy

• Inglès : really ^(en), truly ^(en)
• Francès : vraiment ^(fr), effectivement ^(fr), réellement ^(fr)

rafoircixh ene dimande, èn acertinaedje

• Francès : au fait ^(fr)

mostere k' on a rovyî ene sacwè tot cåzant, tot tuzant

• Inglès : by the way ^(en)
• Francès : au fait ^(fr)