Dj' aveu lomé insi, paski dj' aveu ptchî di mostrer aprume li rapoirt des mots walons inte di zels. Metans, a adegnî. Li rapoirt avou l' "ancyin francès" ni m' plaijheut waire, paski les mots lomés "vî francès" pôrént esse loukîs ossu bén come do vî walon (copurade les cis k' ont disparexhou, ou måy egzisté e francès d' asteure, mins bén e walon). Did la, mi manire di tourner les etimolodjeyes: avou l' modele vî lingaedje d' oyi .
Adon, si ça vs ahåye:
- rimete "Etimolodjeye et tcherpetaedje" come tiesse di hagnon
- mete les rahoucas d' ancyin francès purade del façon ki dj' a fwait po adegnî
Dji voe ki vos fjhoz bråmint des mots avou "a". C' est ene manire ene miete riskeuse po bouter so des diccionaires. ça supôze k' on va porshuve disca Z, avou l' minme "dinsité", li minme ahé, li minme volté. Haust et Feller, a zels deus, ont metou 63 ans dins l' prumî DTW po-z avni a ...Ag (Grand A pitit g). Hendschel et Dumont, avou dedja les prumîs tåvleus, di 1992 a 1994 s' ont djoké a E (eyet li C n' est nén complet). Mi-minme, avou l' Rasgoutaedje (S117), dj' a staté a "cassete" après deus troes ans (1995-1997).
Did la mi idêye, cwand dj' a ataké l' "esplicant motî" (li tåye do Wiccionaire), di bouter plik plok.
Si vos vloz, kimincîz puvite pa les R et les S, totavå les motîs dedja so les fyis.
Mins dji di ça et dji n' di rén. Gråces po tos les noveas modeles. Dji va sayî d' shuve li machene do trén!