Sujet sur Uzeu copene:Lucyin

Li scrijhaedje avou "ss" si trouve sol wiccionaire (mins nén co d' årtike pol mot lu-minme; a paroe i gn a-st on loyén e disfondou, pareuse), et çoula aveut stî decidé a on raploû rfondaedje e 2018... mins nerén:

• li scrijhaedje avou "z" est l' pus corant la wice k' on eploye li mot
• et, pus consecant: li parintaedje est bén avou /z/ (pareûzer, pareûzèdje)
• etimolodjicmint c' est surmint ene cawete -oes/-oesse; mins on scrît on paroe et nén on paroes, adon ostant shure k' uzaedje po ene paroeze eto, nonna ?

dj' a todi yeu des rujhes avou ç' mot la. Dji l' a sovint vlou rfonde dins ene rîlêye dandjreus etimolodjike avou faloijhe [falwâje, falwâze] et tricoijhe. Mins cial, c' est purade li betchfessî oe, avou des viyès cognes di paroe: "paro", come dins les nos d' plaece (Côro, Avro), ki n' vont k' avou l' betchfessî oe. Adon, on scrireut "paroejhe".

ça fwait ki:

• paroeze, paroezer, raroezaedje <> paroejhe, paroejhî, paroejhaedje ?
• tricoijhe: les 3 disfondowes do betchfessî oi sont bén la. L' acertiner sol DTW ? Li vuzlêye cossoune n' est nén acertinêye pal parintêye, mins på prononçaedje di l' Årdene nonnrece dilé l' tchampnwès (motî d' Bive: tricwâges).
• faloijhe: djusse dins les nos d' plaece; riscrît e francès d' Walonreye: Faloise. Erîler so "tricoijhe" ?

A decider cial et asteure. "dimwin", ça n' egzistêye nén (Francisco Franco).

A noter ki, pol cawete femrinne -euse (no d' fijheuse), c' est eto on -z- muchyî (Djôre Sfasie el vleut scrire -euze).

Neni, nén avou "jh", i n' a nén d' son "h" ! et dji n' croe nén ddja k' i soeye etimolodjike nerén. Dji pinse k' etimolodjicmint, ça sereut -oes/oesse (come dins bordjoes, bordjoesse); mins ki l' loyén etimolodjike ça pierdou i gn a bén lontins dins l' esprit des djins (dji n' a måy veyou l' prumî scrît avou on moya "a"; eyet pol 2inme c' est cåzu tofer avou "z"; et c' est /z/ dins l' parintaedje). Do côp, dji sereut po: paroe (dedja insi dins l' wiccionaire; mins c' est on mot ki dj' n' eploye nén) et paroeze.

Po "tricoijhe", c' est ddja insi dins l' DTW, eyet dispoy deddja en hope (etricoijhe si trovéve dedja dins R9). Radjouter al famile ecoijhe (ècwèche [C13]) ?

Po "faloijhe" dji n' a måy veyou l' mot; si on nel trouve ki dins sacwants mots d' plaece, adon dji sereut po shure les rîles do rfondaedje des nos d' plaece (les betchfessîs oi, oe ni sont-st eployî ki si a) ça fwait pårtêye d' on ricnoxhåve mot ki si scrît insi (come "Laveu" => Lavoe, on cmon no) (mins c' est nén l' cas cial), ou b) li prononçaedje est rascovrou pa onk des prononçaedjes do betchfessî eyet on rtrouve on scrijhaedje avou on "o" (o, oi, oy) dins l' sicrijhaedje (come "Avroy" (avreû) => Avroe). Si dins l' sicrijhaedje asteure so les plakes on-z a "wa", ostant l' wårder.

Li seule plake (å Tchestea): Faloise. => Faloijhe (dj' el sicrît insi dins mes fotos do "bî del Falwâche").

=> iva po paroeze, tricoijhe / etricoijhe / ecoijhe; Faloijhe.

Pol mot "tchesse-al-paroeze" (sinonime di inte-deus), dji n' so nén seur do boket "tchesse"; c' est l' tchesse do viebe tchessî (cori après, tchôkî pus lon);

oudonbén, li mot ki e francès c' est "châsse"

Dji pinse ki c' est l' deujhinme. On moumint, cåze di l' etimolodjeye, dj' a pinsé al sicrire "tchaisse"; mins dji vén d' aprinde ki l' mot "châssis" end est on parint (çou k' est lodjike, cwand on voet les sinses), ey e walon on l' mete come "tchessi".

I gn a don deus mots "tchesse" diferins:

1. accion do viebe tchessî (fr:chasse, es:caza)
2. cofe a rlikes (do latén "capsa", k' a dné es:caja, ca:caixa, boesse; dins ces lingaedjes on eploye "arca" (åtche (nén air, mins grande boesse, come l' åtche da Noyé) ou "arqueta" (pitite åtche); "capsa" a eto dné, a costé di "tchesse", li mot "caisse")

> Li seule plake (å Tchestea): Faloise.

adon oyi, Faloijhe. C' est l' minme mot ki l' comene picåde w:pcd:Faloèse (Sonme) ?