C' esteut "hourixhe" divant çoula (dins R9).
Dji seureu pol sicrijhaedje "hourixhe" avou "e" :
- c' esteut ddja dins R9
- c' est eto l' cas dins S0 (houriche), li seu grand motî wice k' i gn a l' mot disk' asteure
- c' esteut eto l' cas pol rifondowe di 2013 disk' asteure
Di pus :
- sol DTW on voet bén ki -xhe est pus corant (116 mots) ki -xh (16); emey ces 16 la i gn a : 3 calcaedjes di mots almands, 1 ptit no (D(i)nixh), 3 mots omrins (ouxh, oxh, cronzoxh), et èn addjectif omrin (frexh; mins notez k' des motîs k' i gn a scrijhèt avou -e les deus cognes), tot l' restant c' est des mots-bruts.
- si on rwaite pus stroetmint a -ixhe/-ixh; ça dene 10 po -ixhe, 3 po -ixh (2 mots almands + D(i)nixh)
Li djinre do mot lu-minme est målåjhey a saveur, la k' i n' est måy eployî tot seu, mins todi "a ~".
Si dj' cwire après "sivierba" sol wiccionaire; dji m' a-st arester après 4 pådjes, mins c' est cåzu todi des mots femrins, sicrîts avou -e al fén (pa côps avou ene oyåve voyale; mins nén onk avou ene oyåve cossoune sins -e après 4 pådjes)
PS: sol DTW ni candjîz nén li prumî tchamp (li "mot vudete") d' èn årtike avou ene date di rfondaedje, ôtrumint on n' sait pus a kéne cogne cisse data la fwait referince. S' i gn a ene ôte rifondowe a propôzer, li mete purade etur åtchetes pa drî, avou on pont d' kesse; come çoula don:
houriche (hourixhe, hourixh?)
si èn ôte rifondaedje est fwait, adon ci tchamp la serè candjî avou l' tchamp date.