Sujet sur Uzeu copene:Srtxg

Pol viebe boere, li codjowoe dene nos boevans, vos boevoz, adon kel Wiccionaire dene nos buvans, vos buvoz.

Gn a-t i ene dobe cogne ?

I m' shonne ki po boere (al diferince di vey/voer (rivey, prever, porvoer), croere, scheure et keure) i n' a nén yeu d' decidaedje.

I m' shonne k' oyi, ki come vey(voer) et croere, i gn a ene diferince di voyale foirt markêye etur les bodjes A et B.

C' est ossu l' cas m' shonne-t i po "miner" (scrît "moenner" pol moumint).

I fåreut mete ces ponts la sol tåve pol raploû rfondaedje a vni.

Dji sereut po shure çou k' a ddja stî fwait po vey, croere, scheure, keuze,... (po "keuze", et dji croe "scheure", il ont stî rfondou do côp avou dobe voyale (keuze: A=coz,B=C=keu-, dji keuze, nos cozans, dji keuzrè, ki dj' keuze, dj' a cozou; scheure: A=schoy,B=scheu,C=scheuy; dji scheu, nos schoyans, dji scheurè; ki dj' scheuye, dj' a schoyou)). Mins po ds ôtes (vey, croere), il avént stî rfondous avou l' minme bodje (dji voe, nos voeyans, dji croe, nos croeyans); ça a stî candjî i gn a kéke tins.

Po boere, ça n' aveut nén stî decidé adon, paski ci n' esteut nén clair kéne voyale prinde pol bodje A (nos buvans, ou nos bevans ?).

Po "moenner" c' est drole; c' est surmint l' viebe wice ki ç' candjmint la est l' pus veyåve (la ki ça s' trouve dins l' infinitif lu-minme (miner) et dins des parints foirt corants, come "porminåde"; portant li scrijhaedje "oen" est todi eployî pol bodje A.

Ca dvreut esse :

• miner : A=min-, B=C=moenn- : dji moenne, nos minans, i minèt / moennnut, dji moennrè, ki dj' moenne, dj' a miné.
• boere : A=bXv-, B=boe-, C=boev- : dji boe, nos bXvans, i bXvèt / boevnut, dji boerè, ki dj' boebe, dj' a bXvou.

(dins l' codjowaedje Stasse (Lidje) c' est A=buv-, dins Gilliard (Nameur) c' est A=bèv-, dins Francard (Bastogne) c' est A=bov-) mins on trouve ossu des "wè" :

• bXvaedje : buvâdje [O4]; bwèvadje [C1]; buvèdje [E1]
• bXveu : bwèveû [C1,O4]; bwèveu [C8]; bèveû [C9]; bèveûr [E21]; bwoveû [O0]; boveûs [E34]; buveû [E1,O0,O3,O4]

Dj' åreu stî po prinde "e" come voyale, ça rascovreut les "è" et les "wè"; et l' cope e/oe sereut l' minme ki dins vey (veyèt/voeynut) et croere (creyèt/croeynut)

Li kesse c' est cwè tchoezi etur "e" ou "u" (et c' est l' minme po "menu/munu" (dressêye des plats dins on restorant; fr:menu), k' est pareymint so balance)

(dji houke eto @Lucyin

Dji voe k' Lucyin aveut ddja metou les cognes avou A=buv- dedja e 2012 (po cmincî come dobe codjowaedje).

Li tchuze avou "u" a por leye li rfondaedje di abuvrer (decidé e 2010).

Dins tos les cas (nos buvans ou nos bevans), tote li parintêye basteye sol bodje A doet shure (cawetes -eu, -aedje, pårtcipe avou -ou; mins nén -resse k' est fwait sol bodje B => boeresse; ni -reye fwait sol bodje C => boevreye)