capåbe

Walon (Rifondou)

Etimolodjeye

Calcaedje do francès « capable » (minme sinse), lu-minme do tayon-bodje latén « capabilis » (ki pout contni), çou ki dene on mot avou l’ cawete « -åbe ».

Prononçaedje

• AFE :
  • diferins prononçaedjes :
    • (avou cawete francijheye -åbe) /ka.ˈpɔːp/ /ka.ˈpaːp/
    • (avou cawete erîlêye -åve) /ka.ˈpɑ̃f/ (betchfessî å, halcrosse rîlêye)
  • prononçaedje zero-cnoxheu : /ka.ˈpɔːp/
• Ricepeures : ca·påbe

Addjectif

	singulî	pluriyal
omrin et femrin	capåbe	capåbes

capåbe omrin et femrin (come addjectif djondrece, todi metou padrî l’ no)

1. ki sait fé ene metowe sacwè.
   • Dji vs sai ene plaece ki vs duré bén, Sins k' n' åye mezåjhe di boun amisse. Dji so capåbe. Schoûtez çki dj' di — Simon li scrinî (fråze rifondowe).
   • Dji drouve l' ouxh : so moens d' èn eclair
     Tote li niyêye est revolêye ;
     Ca, po-z esse li prume a prinde l' air,
     I sont capåbes di fé ene trûlêye. — Martin Lejeune, “ Œuvres lyriques du poète Martin Lejeune” p.147, « Nos ‘nn’ alans » (fråze rifondowe).
   • Tos les comedyins, pår les pus djonnes, sont i capåbes di djåzer walon sins accint ? — Marcel Slangen (fråze rifondowe).
   • C' est l' sindicat ki l' a poûssî a fé del politike. «Vos creyoz ki dj' è so capåbe ?», aveut i dmandé. «Tchofile, i gn a nén dandjî d' esse capåbe», lyi aveut respondou s' tchîf, «vos dvroz simplumint rapoirter des vwès å pårti» — Ernest Benoit (fråze rifondowe).
   • Fåt i nén assoti ! Vos n' estoz nén minme capåbes do clore li betche a ene prijhnire ?— Paul-Henri Thomsin, ratournant Li diâle è cwér, ine avinteûre di Bakelandt l’èspiyon di Napolèyon à Lîdje, 2009, p. 37 (fråze rifondowe).

Parintaedje

capåbté

Ratournaedjes

ki sait fé ene metowe sacwè

• Francès : capable ^(fr), compétent ^(fr)

Sustantif

singulî	pluriyal
capåbe	capåbes

capåbe omrin et femrin

1. onk (ene) foirt sûti (sûteye), ki sait fé bråmint des sacwè ki les ôtes ni savèt fé.
   • Li fi Djôrisse, c' est on capåbe, da, lu !

Sinonimeye

malén, sûti, bole-a-pårt

Ratournaedjes

capåbe

• Francès : personne compétente ^(fr), génie ^(fr)