rischeure

Walon (Rifondou)

Cisse pådje ci do Wiccionaire n’ est co k’ ene esbåtche.
Si vos avoz des cnoxhances sol sudjet, vos nos ploz aidî tot rtchôcant des dnêyes so l’ årtike : clitchîz sol boton « candjî » po radjouter des infôrmåcions.

Etimolodjeye 1

Alofômes di r(i)-

avou ene sipotchåve voyale	avou ene divanceye voyale	sipotcheye cogne
rischeure	erscheure	rscheure

Viebe

rischeure

I. [v.c.]

1. scheure co on côp.
   • Lès grigneûs
     Faut lès caki
     Po fè r’cheûre leûs toûrmints
     — Émile Hesbois.
   • Alez rscheure les åbes: on-z a leyî des fruts. rischeure li strin di rgon po fé les loyéns : (vî mot d' cinsî) el scheure comifåt po saetchî foû les ptits fistous, ki n' vont nén dins les loyéns k' on loyive les djåbes.

   rl a: rawete, fåsson.

a) magnî sol conte di (kéconk); I trouve todi ene sakî a rscheure. F. pique-assiette.

b) ricure po rén. Il est todi metou ås plaeces ou çk' i gn a åk a rscheure. F. récupérer, recevoir gratuitement.

1. schaper (ene sakî), li sotni.
   • Dj' a rscheure on djonne tchén k' on voleut taper e Mouze — Motî Forir (fråze rifondowe).
   • I m' rischeut todi .
   • Li Rezistance schapa nosse Walonreye, come ele rischoya li France do Djenerål De Gaule — Lucyin Mahin. F. délivrer, sauver, arracher des mains, venir à la rescousse, soutenir, prendre le parti de.
2. (pus stroetmint, el rilidjon crustinne) schaper les djins do petchî, tot djåzant do Criss.
   • Nos contans bén sol l' bouneur ki vs prometez et nos ratindans k' Djezus-Cri nos vegne rischeure (messe e walon).
   • Rashonnés po fé l' fiesse di l' Ucaristeye, priyans comifåt l' Signeur ki vout rscheure tos les djins (G. Sfazi). F. sauver.
   • Minme les djusses ki dvént esse rischoyous, ni polént nén, dvant vosse Passion et l' grand bénfêt d' vosse sinte moirt, intrer e rweyåme do Cîr — Jean Bosly, ratournant L' imitåcion d' Djezus-Cri. — Jean Bosly, L’ îmitåcion d’ Jèzus-Cris (ratourné di J. Bosly) (fråze rifondowe).

5. rischeure on martchî. fé èn ovraedje (u ene pårt d' èn ovraedje) po èn ôte, k' a bouxhî l' martchî djus dvant vos. F. reprendre, sous-traiter.

II. [v.s.c.]

1. scheure, toumer, ritoumer.
   • A Nazibea, i s' ascropa, prinde ene pougnêye di tere dins si mwin, et l' tchåspougnî, divant del laire rischeure, groumiote pa groumiote, inte di ses doets (A. Georges, rat. pa — Lucyin Mahin.
   • Les noveas ritches divnèt des rintîs eyet leus sôs sont furlés a non-syince, et ça n' rischeut nén sovint so les pôvès djins di leu payis — Lucyin Mahin. F. retomber.

2. scheure co on côp. Vosse robe, k' esteut si bén rtindowe, rischeut co. S' il a rprin ene måvasse abitude, i lyi få rscheure — Motî Forir (fråze rifondowe).

1. (cwårdjeu) fé on pli k' on n' s' î atind nén, po-z espaitchî les ôtes di fé dobe.
   • Lacobén k' dj' avans rscheu: dj' åréns yeu ene dobe coye

   On dit eto: schaper l' dobe.

4. raveur ses cwårs tot vindant (ene sacwè, ene biesse). I n' è rscheuront rén, di leus biesses (ramexhné pa L. Léonard). F. tirer, encaisser, obtenir, percevoir, retirer.

III. si rscheure [v.pr.] conter so (èn ôte), cweri d' l' aidance. I s' rischeut todi sor mi. F. s'en remettre à; chercher appui sur.

IV. [v. sins djin] riploure a saeyea. Ça rscheut co ! rl a: richlôner. F. pleuvoir à nouveau à verse.

| rischoyaedje u erschoyaedje / rschoyaedje rischoyaedje [o.n.]

1. no d' fijhaedje et no di çou k' est fwait (accion eyet si adierça) pol viebe "rischeure". F. récupération, retombée, sauvetage, salut, délivrance, soutien, reprise d'un marché, sous-taitance, paiement. rischoyaedje economike : ritcheyaedje economike.
2. (pus stroetmint, el rilidjon crustinne) schapaedje des djins pal moirt da Djezus-Cri. F. salut.

| rischoyance

u erschoyance
/ rschoyance [f.n.]

1. (rilidjon crustinne) estance des djins ki sont rscheus pal moirt do Criss.
   • Dji prindrè l' cålice del rischoyance et dji houcrè l' no do Signeur (messe e walon). Nos priyans co po les croeyants d' nosse rapoûlaedje; po k' il åyexhe li påye, li sinté, li rischoyance, l' astoca et l' pardon; et po k' i leyexhe leus petchîs lon erî (G. Sfazi). F. salut.

Etimolodjeye 2

Codjowas

rischeure

1. indicatif prezintrece, prumire et troejhinme djins do singulî, do viebe « rischurer ».
2. suddjonctif prezintrece, prumire et troejhinme djins do singulî, do viebe « rischurer ».
3. kimandeu prezintrece, deujhinme djin do singulî, fôme camaerådrece, do viebe « rischurer ».