evoyî å diåle

Walon (Rifondou)

Etimolodjeye

Shûte des mots : «evoyî» + «å» + «diåle»

Vierbire

evoyî å diåle (viebe å coplemint)

1. (ene sakî) dijhêye cwand on-z arestêye di rmostrer èn efant, di dner des conseys a ene grande djin.
   • S' i m' vént co rcwester des usteyes, dji l' evoyrè å diåle.
2. (ene sacwè) èn pus sayî di rfé, di remantchî (ene machine ki n' va nén, ene sacwè k' est spiyeye).
   • Çou k' t' as ddja pierdou come tins avou ci agayon la; bén evoye lu å diåle, taiss !

Sinonimeye

• (sakî ou sacwè) : evoyî å diåle et co pus lon, evoyî ås set cints diåles, evoyî ås trinte-shijh meyes diåles, evoyî a tos les diåles
• (sakî) : evoyî evoye, evoyî å diåle k' i l' eleve, evoyî å diåle k' el kiberôle, evoyî al djote, evoyî al surale, evoyî al moståde, evoyî ås soris, evoyî å fote, evoyî å ferfote, evoyî al sint-ferfote, evoyî al miere, evoyî mexhner, evoyî dinguer, evoyî bouler, evoyî pormoenner, evoyî s’ neyî, evoyî s’ fé pinde, evoyî pus lon

Ratournaedjes

tchessî evoye ene ehalante sakî

• Inglès : to dismiss ^(en), to chase off ^(en), to send packing ^(en)
• Espagnol : mandar a paseo ^(es)
• Francès : envoyer au diable ^(fr), envoyer se faire pendre ailleurs ^(fr), envoyer promener ^(fr), envoyer bouler ^(fr), envoyer chier ^(fr)
• Picård : invòÿer às-galhes ^(pcd), campousser ^(pcd)

abandner ene sacwè k' on overe dissu

• Francès : laisser tomber ^(fr)