galguizoûte

Walon (Rifondou)

Li rfondaedje di ç’ mot cial est co so balance.

Etimolodjeye

Tayon-bodje vî hôt almand « gezog » ‎(« balzinaedje »), betchete gal- ou cal- po on mwais sacwè.

Prononçaedje

• AFE :
  • diferins prononçaedjes : /ɡal.ɡi.ˈzuːt/ /ɡal.ɡi.ˈzut/ /ɡal.ɡy.ˈzuh/ (cåzu k’ deus prononçaedjes)
  • prononçaedje zero-cnoxheu : /ɡal.ɡi.ˈzuːt/
• Ricepeures : gal·gui·zoûte

Sustantif

singulî	pluriyal
galguizoûte	galguizoûtes

galguizoûte femrin

1. minte.
   • Les deus faws avént croejhlé leus bresses si seré ki ni plouve, ni vint, ni froed n' avénxhe polou houte - et ç' n' est nén ene galguizoûte. — Albert Maquet (fråze rifondowe).
   • Portan, divan dè pârlé d’on deûzinm ètâblismin, ji vou co, a to riss d’anöî lè ci ki voron lér mè galguizoûtt, rapoirté sakwantè particulîârité ki spacèvè divin l’prumîr, ki m’a strindou inn an è d’mèie. — Henri Forir, Notul so lè bazè skol dè vî tin, 1862.
2. loignreye.
   • Raconter des galguizoûtes. — Motî Forir (fråze rifondowe).
   • Conter des galguizoûtes. — Motî Haust (fråze rifondowe).
   • Conteu d' galguizoûtes. — Motî Forir (fråze rifondowe).
   • Lai don la totes ces galguizoûtes la. Djåzans d’ ôte tchoi. — Henri Simon, « Li Neûre Poye » 1889, (eplaidaedje da Jean Haust di 1936), p.64 (fråze rifondowe).

Sinonimeye

(sacwè ki n' est nén vraiye): minte; Loukîz a : « minte »

Sipårdaedje do mot

w. do Levant

Ortografeyes

Divant 1900 :

• galghizoûde : E89 ^(lére)
• galguzouxh : E212 ^(lére)
• galguizoûtt : E203 ^(lére)
• galguzouxhe : E212 ^(lére)

Après 1900, foû rfondou (Feller, Feller ricandjî, nén Feller) :

• galguizoude : E1, E170
• galguzouhe : E212b
• galguizoûde : E1, E170

E rfondou walon :

• galguizoûte : R10 ^(lére)

Li mot n’ est nén dins : R13

Ratournaedjes

galguizoûte

• Francès : carabistouille ^(fr), sornette ^(fr), balivernes ^(fr), absurdité ^(fr), ineptie ^(fr)

fås racontaedje Loukîz a : minte

• Francès : mensonge ^(fr)