on bea djoû

Walon (Rifondou)

Etimolodjeye

Shûte des mots : « on » + « bea » + « djoû », lu-minme calcaedje do francès « un beau jour ».

Advierbire

on bea djoû

1. (divins ene fråzlete condicionele) d’ astcheyance, d’ atoumance.
   • Si on bea djoû Colas vént a mori
     Dji vou wadjî ki s’ feme, sins fé do brut,
     Avou ses sôs rmareyreut on djonne cokea — viye tchanson anonime, Il est todi drî leye (fråze rifondowe).
   • Et, po fé roter l’ atricaye,
     S’ on dmande on bea djoû des mandayes,
     I s’ iront co bén ricmander. — Jules Claskin, « Jules Claskin : Airs di flûte et autres poèmes wallons », édition critique de Maurice Piron, (1956), « On fait çou qu’on pout po viker», 1922, p.124 (fråze rifondowe).
2. (cronolodjeye) tot d' on côp on djoû k' on n' aveut nén preveyou.
   • [des colons ki copinèt dvins on sondje]
     Come li solo ki rvént po fé rovyî l' oraedje,
     Dj' etinda tot doûçmint ricmincî leus cactaedjes.
     On blanc, prindant ene penêye, tot s' ratnant do stierni,
     Racontéve k' on bea djoû, si mwaisse l' aveut mådi — Toussaint Brahy, Toussaint Brahy, œuvres wallonnes posthumes, Li songe da Babilone, 1887, p.36 (fråze rifondowe).
     
   • On bea djoû, vla k' i tént so djambes ! — Martin Lejeune, Œuvres lyriques du poète wallon Martin Lejeune, p.144, « Lès prumîs pas » (fråze rifondowe).
   • On må ki fjheut setchi d' oreur,
     On må ki l' Diåle, li pus grand et l' pus noer,
     E fond d' l' infier a-st edvinté;(…)
     Li Pesse, infén, li pus grand d' tos les mås
     On bea djoû s' vora so les biesses — Charles Duvivier de Streel (fråze rifondowe).
   • Gn a foirt lontins, totes les tomates estént måvletes. Mins on bea djoû, e-n on corti, ene tomate rescontra ene belindjele — Joseph Docquier (fråze rifondowe).
   • Et, on bea djoû å matén, tos les deus eshonne, i prindént l’ trén avou, al mwin, on grand saetch di sôdård. — Albert Lenfant.

Ratourneures

1. on bea djoû di

Ratournaedjes

on bea djoû

• Francès : un beau jour ^(fr)