penitince
Sustantif
[candjî]| singulî | pluriyal |
|---|---|
| penitince | penitinces |
penitince femrin
- sacwè k' ele n' inme nén, k' on oblidje ene sakî u ene biesse a fé u a subi, pask' ele n' a nén schoûté.
- Li penitince del plake egzistéve dins totes les scoles do tins k’ ele fijhént pårteye des moustîs avou les cours dinés pås moennes. — Émile Pècheur (fråze rifondowe).
- Cwand gn aveut nén po foumer ene cigarete, c' ît l' pus grande di nos penitinces. — Louis Sohy (fråze rifondowe).
- (e l’ eglijhe catolike) målåjheye sacwè kel priyesse vos dmande après cfesse, po mostere ki vos rgretez vos petchîs.
- Po vosse penitince, vos diropz troes påters et troes åvés.
- Ti vas a cofesse, ti fwais penitince, on t' pardone et, franc batant, ti rcominces. — José Schoovaerts (fråze rifondowe).
- I m' dimeure co del boune simince Ki djômeye la, å fond di m' cour; Dji l' a spårgnî po m' penitince Et po vos dire: pårdon, signeur (R. Tabareux).
- Djihan-Batisse bateut tot l' payis do Djordan; i pretchive on bateme di penitince po dmander pardon po les cometous petchîs (sint Luk, ratourné pa J.M. Lecomte).
- sacwè k' abroke sor vos, et k' on n' inme nén; sakî ki vs è fwait vey.
- Dj' a må mes agaesses, k' i tchoûle li vårlet ::Taijhoz vos ! Vos n' estoz nén l' mitan d' on målåjhey" respond Noyé tot berdelant dins s' båbe : " C' est ene penitince avou lu " (Y. Paquet).
- Tins d' Tossint... Penitince ! Grigneus tins avou ses cirs coleur poûssire, avou ses crouheurs et ses froedeurs. — Paul-Henri Thomsin (fråze rifondowe).
Ratourneures
[candjî]- aler e penitince : dins les scoles, dinltins, aler dins l' cwén, po on scolî k' a fwait ene biestreye.
- måjhone di penitince : måjhone la k' on reclôt des cis ki dvèt esse punis.
- On bea djoû, mi toû vna; dj' aveu fwai piede pacyince a m' mame, ele mi hapa på pougn, mi moenna disk' a l' ouxh del måjhone di penitince, et m' î vola fé intrer foirceymint. — Henri Forir (fråze rifondowe)..
- On dit eto: penitincî F. maison de redressement, pénitencier.
- fé penitince :
- si priver di çou k' on inme bén, po-z aveur des advintaedjes dins si creyance rilidjeuse.
- Après aveur fwait penitince,
Li pardon, veyoz vs, doet s' fé djoû ; — Joseph Vrindts, « Pâhûles rîmês » (1897), "Li boquet d'wastai", p.13 (fråze rifondowe).
- F. faire pénitence, se mortifier, se repentir.
- si priver d' aler coûtchî avou ene feme (avou èn ome).
- Avou les femes, i saye di rire; Mins nerén, i n' a nén l' manire; I n' les såreut ddja adawyî, I n' a nén l' badjawe d' on pårlî; Ey eto, i fwait penitince — Jean-Luc Fauconnier, ratournant I. Buttitta (fråze rifondowe).
- F. faire abstinence, être en manque.
- dilivrer l' penitince : pardoner, escuzer.
- Racwitez nos mariminces, Come nos dlivrans l' penitince Ås cis ki nos ont fwait tourmint (Påter, ratourné pa. — Auguste Laloux (fråze rifondowe).
- F. pardonner, excuser.
