schôtlêye

Walon (Rifondou)

Etimolodjeye

bodje "schô", cawete -êye di contnou.

Sustantif

egzimpe d' eployaedje di "schôtlêye" po "ramexhnêye di tecses"

schôtlêye femrin

1. schonêye, schorseye (çou k' gn a dins l' schô). F. giron, tablier plein de.
   • Neni ! Cwand dj’ passa djondant d’ leye,
     Ele ahopéve e-n ene schôtlêye
     Ene faxhe d’ efant, des ptits lignrês— Martin Lejeune, "L’amour vint dè passer", dins « L’année des poètes » (1892), p. 230 (fråze rifondowe).
2. (imådjreçmint) ramexhnêye di tecses (arimés, prôze, evnd.).
   • Gn a la dvins ene schôtlêye di vîs contes lidjwès (J. Kinable). F. recueil.
   • Evôye, mu dis-dje ! Et, sins crankî,
     Dju v's ènn' a fait 'ne fameûse salåde
     Vo-'nnè-la todis 'ne bone hôtelêye :
     Dju n' a nin loukî a 'ne pougnêye
     Et dj' a sayî du dé di m' mîs — Martin Lejeune.
   • E nosse literateure walonne, i gn a plaece po des schôtlêyes di romans. — Joseph Vrindts, « Li pope d'Anvers » (1896), p.3 (fråze rifondowe).
3. grosse cwantité di.
   • I voet des schôtlêyes di caresses,
     Des båjhes, a n’ nén ndè trover l’ fén— Joseph Vrindts, ”Vîx Lîge” (1901), p.37, “Sau d’ Jôye” (fråze rifondowe).

Sinonimeye

grande cwantité di

• hiedlêye
• peclêye
• volêye
• Loukîz l’ motyince : grande cwantité

Ortografeyes

Divant 1900 :

• hôtlaie : E203 ^(lére)

Après 1900, foû rfondou (Feller, Feller ricandjî, nén Feller) :

• hôtelêye : E1

E rfondou walon :

• schôtlêye : R10 ^(lére)

Ratournaedjes

schôtlêye

• Francès : ce que peut contenir un giron (nén ratournåve direk e francès)

grande cwantité di

• Francès : grande quantité de, ribambelle ^(fr), tas ^(fr), somme ^(fr)