si kitaper

Loukîz a : «kitaper»

Walon (Rifondou)

Alofômes des viebes å prono avou l' betchete k(i)- / co-

Plinne cogne do prono "si" et del betchete "ki-" (Hôte Årdene avou cu-, kè-, kë-)	Spotchaedje d' onk des deus mots (Lidje avou k(i)/Årdene avou c(u)-)	cognes Nameur-Tchålerwè (betchete nén spotchåve)
si kitaper	si ctaper / s’ kitaper	si cotaper / ès cotaper / s’ cotaper

Viebe

si kitaper (viebe å prono muroetrece)

1. bodjî dins tos les sinses.
   • Ni t' kitape nén insi, la, si ti vous k' dji t' rabotnêye.
   • Mins l' ci k' est pus a m' manire,
     Ki m' shonne co k' est l' meyeu d' tot,
     Po s' kitaper et po rire,
     Ebén, c' est d' fé Pierot! — François Barillié, divins Li camarad′ dè l'joie, 1852 (fråze rifondowe).
   • Åtoû del saedje-dame ki savnêye,
     Tote li famile elovinêye
     Fwait ceke po loukî l’ rodje poyon
     Ki brait, ki s’ kitape e bouyon. — Martin Lejeune, Œuvres lyriques du poète wallon Martin Lejeune, p.130, « C’èst-on valèt !» (fråze rifondowe).
   • On gros bouxhon s’ kitape et tinzintins s’ riviesse.— Jules Claskin, « Jules Claskin : Airs di flûte et autres poèmes wallons », édition critique de Maurice Piron, (1956), « Candj’mint d’ tins », 1912, p.22 (fråze rifondowe).
   • On djonne pénson ki tchantéve a plinne vwès,
     So l' årdispene, on bea dimegne di may,
     Ni saveut cmint s' kitaper sol ramaye. — Jean Dessard, D'ine cohe so l'aute, 1939, p.156, Li roûpèye èt l’ pinson (fråze rifondowe).
2. bodjî a grands côps, po on pexhon foû d' l' aiwe, po ene biesse divant d' crever.
   • Les pexhons s' kitapèt co cwand i sont vudîs — Motî Forir (fråze rifondowe).

Ratourneures

1. pus çk' ene vatche vout crever, pus çk' ele si ctape
2. si ctaper come on dzi

Ratournaedjes

bodjî dins tos les sinses; Loukîz a : si kitråyner

• Francès : se démener ^(fr), se débattre ^(fr), se contorsionner ^(fr)

bodjî a grands côps po on pexhon foû d' l' aiwe

• Francès : frétiller ^(fr)