so pî

Walon (Rifondou)

Etimolodjeye

Shûte des mots : « so » + « pî »

Addjectivire

so pî

1. dibout.
   1. tot djåzant d' ene dinrêye.
      • So pî, totafwait presse,
        Waessén, oidje et frumint,
        Ca l' frut d' tote cisse ritchesse
        Fwait farene å molén. — Jean Dessard, D'ine cohe so l'aute, 1939, p.35, L'awous′ (1906) (fråze rifondowe).
   2. tot djåzant d' ene djin.
      • A l’ aireur il esteut so pî,
        Atîtoté, ridoxhant d’ glwere,
        Come onk k’ est foû seur del victwere. — Joseph Vrindts, ”Vîx Lîge” (1901), p.8, “Ine Mâle Journêye” (fråze rifondowe).
      • Padrî les tchvås, brognant l' coulire,
        Shoflant so traits, foumant so pî,
        Les pezants tchårs di mon l' cinsî
        Crînèt dogtèt dzeu les forlires. — Jean Dessard, D'ine cohe so l'aute, 1939, p.38, Årîre såhon (1929) (fråze rifondowe).
   3. dispierté et levé.
   • C' est la ki l' djoû d' Sint Nicolai,
     A nole eure, nos esténs so pî,
     Po vey si l' tåve esteut tcherdjeye
     Et si l' shabot esteut vudî ! — Jean Dessard, D'ine cohe so l'aute, 1939, p.99, Amoûr di payisan (1934) (fråze rifondowe).
2. (mot d’ medcén) rimetou d' aplomb après ene maladeye.
   • « Cloyoz l’ ouxh, don, vozôtes ! » hemtêye li mame… « Li diåle m’ arawe ! I piede li sintimint, ç’ måtourné Vevè la !...  ! Si dj’ esteu so pî ! » — Arthur Xhignesse, « Boule-di-Gôme », 1912, p.7 (fråze rifondowe).

Ratourneures

1. mete so pî
2. souwer so pî
3. rimete so pî

Sinonimeye

rimetou d' aplomb après ene maladeye

• retabli
• rimetou
• riweri

?

Ratournaedjes

so pî

• Francès : debout ^(fr), sur pied ^(fr)

rimetou d' aplomb

• Francès : rétabli ^(fr)