sol côp

Walon (Rifondou)

Etimolodjeye

Shûte des mots : « sol » + « côp »

Advierbire

sol côp (nén candjåve)

1. (cronolodjeye) sins tårdjî.
   • Viè les Påkes dji va-st a cfesse
     A l' eglijhe des Cårmuléns,
     Sol côp, vola k' on m' ahesse,
     Mins çou k' dji n' m' atindeut nén :
     C' est ki l' pere po penitince,
     M' evoye cwénze djoûs å salut,
     Mi ki n' a måy inmé l' ecinse,
     Dji dveu ene desse å Bon Diu. — Toussaint Brahy, Toussaint Brahy, œuvres wallonnes posthumes, Ji d'véve ine dette â bon Diu, 1886, p.16-17 (fråze rifondowe).
     
   • Djan, ki shuvéve di près, veya ...
     Ki s' dame, sol côp, s' racavaya,
     Et tote fire, li xhiltante mamjhele
     Dit, ossu vite rasshiowe so s' sele,
     Après s' aveur bén recresté :
     -Avoz vs veyou mi adjilité ? — Joseph Kinable, Les crostillons (1889), "L’agilité del baronne", p.15 (fråze rifondowe).
   • Et, do niyåd sol côp shuvou,
     Dji m' awinne disk' a l' alêye.— Martin Lejeune, Œuvres lyriques du poète wallon Martin Lejeune, p.147, « Nos ‘nn’ alans » (fråze rifondowe).
   • LOUISE. - Tinoz, poirtez çoula e m' tchambe.
     FIFINE. - Sol côp. — Joseph Mignolet, Li vôye qui monte, (1933), p.36 (fråze rifondowe).
   • Fjhoz vni Delairesse sol côp ou bén dji vs sitronne ! — Paul-Henri Thomsin, Li diâle è cwér : Ine avinteûre di Bakelandt l'èspiyon di Napolèyon à Lîdje, 2009, p. 37 (fråze rifondowe).

Mots d’ aplacaedje

• sol côp di

Sinonimeye

• (sins tårdjî) : do côp, todroet, tot d’ shûte / totshûte

Sipårdaedje do mot

w. do Levant

Ortografeyes

Divant 1900 :

• sol l’co : E212 ^(lére)

Après 1900, foû rfondou (Feller, Feller ricandjî, nén Feller) :

• so l’côp : E1, PHT

Ratournaedjes

sins tårdjî

• Francès : tout de suite ^(fr), aussitôt ^(fr), immédiatement ^(fr), à l’instant ^(fr), sur le champ ^(fr), sur l’heure ^(fr), séance tenante ^(fr)