vey clair

Walon (Rifondou)

Etimolodjeye

Shûte des mots : « vey » + « clair », lu-minme calcaedje do francès « voir clair ».

Vierbire

vey clair

1. poleur bén vey.
   • Nos lijhans bén, mins nos n' veyans nén clair. — Édouard Remouchamps, Tåtî l’ Pèriquî, 1884, Ake I, Sinne XI, v. 182 (fråze rifondowe).
   • A Sint-Djîle, come divins les basses,
     Come end a toplin k' ont l' vuwe basse
     Li veye di Lidje ni sait nén cmint fé
     L' alnute po k' on voeye clair assez
     Les betchs-di-gåz, come on s' sieve ouy,
     Ni valant pus rén po nos ouys,
     Li consey n' a rén trové d' té
     Ki do sayî l' betch Racionel. — Louis Wesphal, Li Plaisir dè Chanteu, 1907, Les bèches, p.96 (fråze rifondowe).
2. bén comprinde li court et l' long d' ene sitouwåcion.
   • Li ptit valet mi l' a grawyî foû del tiesse avou l' betchete d' on clå d' schayteu, mins dji voe co clair assez po n' nén fé des biestreyes. — Joseph Vrindts, Li pope d'Anvers, (1896), p.42 (fråze rifondowe).
   • Et m' crapåde ki voet clair,
     Cwand ele kinoxha l' mistere,
     Derit k' ele rimetreut
     Si vantrin al fén do moes. — Jean Dessard, D'ine cohe so l'aute, 1939, p.125, Li bêté n’ fait nin rîre… (1899) (fråze rifondowe).
   • Dji voe clair, dai mi, m’ feye. — Joseph Mignolet, Al bèle fontinne, 1924, p.7 (fråze rifondowe).
   • HOUBERT. - Savoz bén cwè båshele, çoula n' est k' ene cwiriteure.
     MAYANE. - C' est a dire …
     HOUBERT. - Dji n' so nén ene si ptite biesse ki vos pinsez, savoz, c' est come vos, dji voe clair. — Jean Lejeune, Po marier Lèyontine, 1928, ake II, sinne VIII, p.24 (fråze rifondowe).

Ratourneures

1. fé vey clair
   • Estant nost imprimeu, il a do caractere,
     Et divins l' "Estafete" i sårè fé vey clair
     A tos ces halcotîs k' on lome nos goviernants,
     Mins ki n' sont ki des vraiys magneus d' tåtes ås efants. — Toussaint Brahy, Toussaint Brahy, œuvres wallonnes posthumes, Li songe da Babilone, 1887, p.37 (fråze rifondowe).
     
2. vey clair e djeu di
3. vey clair e l’ schiele di
4. vey clair e s’ boûsse
5. vey clair e s’ schiele

Contråve

• aveur li vuwe basse
• vey bablou
• vey dobe

Ratournaedjes

poleur bén vey

• Francès : voir clair ^(fr)

bén comprinde li court et l' long d' ene sitouwåcion

• Francès : voir clair ^(fr), être lucide ^(fr), être clairvoyant ^(fr)