èn nén co esse al taeye ås fraijhes
Etimolodjeye
[candjî]Shûte des mots : « èn nén » + « co » + « esse » + « al » + « taeye » + « ås » + « fraijhes »; l' imådje, c est ene taeye (ene virêye) avou toplin des fraijhes des bwès, k' i fwait målåjhey a trover; ou adon des fraijhîs a fleur, k' i fåt co ratinde lonmint divant d' awè des fraijhes a code, ey e minme tins, taeyî les trinnåds ås fraijhîs.
Vierbire
[candjî]èn nén co esse al taeye ås fraijhes
- èn nén co esse arivé la k' on vout aler; awè co bråmint a fé po-z ariver.
- Mins, tot cminçant a tchicter po fé des noveas årtikes, et rcopyî les vîs, dj' a bén veyou k' on n' î esteut nén co, al taeye ås fraijhes.
- Après on deur recloyaedje, vo nos la sol boune dischinte des coubes di moirts et d' rascråwés. Mins dji n’ î estans nén co, al taeye ås fraijhes ! Pont d’ Noyé, pont d’ novele anêye ! C’ est teribe ! — Li Rantoele, l° 97, ivier 2021-2022; lijhåve so Wikisourd (fråze rarindjeye).
- C’ est l’ vraiy k’ on cmincive a-z esse tenes do stoumak. Et on n’ oize nén trop poujhî dins nos houtchmints, ca on n’ î est nén co, al taeye ås fraijhes ! — Lucyin Mahin, lijhåve so Wikisourd.
Sinonimeye
[candjî]- èn nén co esse wice ki li ptit boulome s’ a rispoizé
- èn nén co esse å coron d’ ses royes; èn nén esse å dbout d’ ses royes
- èn nén co esse saetchî foû di spexheur
- èn nén co esse li tiesse foû des strins
- ni nén co esse la k’ les cwate boûs ont passé
Mots vijhéns
[candjî]Ôtes sicrijhas
[candjî]on n’ î est nén co, al taeye ås fraijhes
Ratournaedjes
[candjî]awè co bråmint a fé po-z avni la k' on vout
Almand : noch nicht aus dem Schneider sein (de), noch nicht über den Berg sein (de)
Inglès : not yet out of the woods (en)
Francès : ne pas être au bout de ses peines (fr), ne pas voir le bout du tunnel (fr), ne pas être sorti de l’auberge (fr), être tiré d’affaire (fr)
Sourdants
[candjî]Etimolodjeye: esplikêyes:
- imådje d' ene taeye (on taeyi) avou des fraijhes des bwès: sorlon Raymond Mouzon.
- imådje des fraijhîs a taeyî: 500 expressions pour le dire en wallon.